Ինչո՞ւ սպասել հնարավորության։ Ինքդ ստեղծիր հնարավորություն

Մարդիկ հաճախ սպասում են հնարավորությունների, բայց արդյո՞ք արժե սպասել դրանց: Ոչ, պետք չէ: Առաջին հերթին՝ դու չես կարող կախված լինել բախտից. երբեք չգիտես՝ կարժանանա՞ս մեծ հնարավորության, թե ոչ: Ուրեմն՝ ինչո՞ւ ես ուզում կախված լինել բախտից: Փոխարենը դու կարող ես կախված լինել ինքդ քեզանից: Սա միակ ձևն է իմանալու, որ կարժանանաս հնարավորության:

Եթե հնարավորությունը չի թակում դուռդ, ապա կառուցիր դուռ. Միլթոն Բեռլե

Շատերը բաց են թողում հնարավորությունները, որովհետև չեն գիտակցում, որ հանդիպել են դրանց: Ահա կյանքի ամենահասարակ օրենքներից մեկը՝ միշտ կլինեն հնարավորություններ այն մարդկանց համար, ովքեր կճանաչեն և կհետապնդեն դրանք: Հաջողակ մարդիկ պարզապես նրանք են, ովքեր միջինից ավելի շատ շանսեր են օգտագործել:

Ինչու սպասել հնարավորության, ինքդ ստեղծիր հնարավորություններ:

Իմացիր քո սահմանները։ Դու չես կարող լինել իդեալական, չես կարող ամեն ինչ անել միայնակ: Դու չես կարող բիզնես ստեղծել կամ ապրել քո երազանքների կյանքը կամ վաստակել շատ գումար, եթե չգիտես քո թուլությունները, ուժեղ կողմերը և ձգտումները: Եթե գիտես քո սահմաններն ու այն, ինչի ընդունակ ես, ապա գիտես, թե ինչի կարիք ունես: Երբ սկսես ճանաչել քեզ, ւ կգիտակցես քո թուլությունները և կկարողանաս լցնել այդ թուլությունները ուրիշ մարդկանց ուժեղ կողմերով:

Բա՛ց աչքերդ։ Ավելի շատ բան է կատարվում աշխարհում, քան դու կարող ես տեսնել: Հերիք է՝ ավտոբուսով կամ գնացքով երթևեկելիս երաժշտություն լսես: Միգուցե այդ գնացքում կամ ավտոբուսում կա մեկը, ով կարող է փոխել քո կյանքը: Միգուցե քո կողքին նստած մարդը քո հաջորդ բիզնես գործընկերն է, քո ամուսինը կամ կինը կամ նոր ամենալավ ընկերը: Դու երբեք չես իմանա, կյանքը անկանխատեսելի է, այդ պատճառով դու պետք է քո աչքերը միշտ բաց պահես: Հնարավոր է՝ կորցնես առիթդ միայն նրա համար, որ քո iPod-ը լսելով ես զբաղված եղել: Միշտ եղիր ուշադիր նույնիսկ սովորական գործողություններ անելիս, ինչպիսին են սուրճ ըմպելը, ավտոբուս վարելը, կամ դեպի տուն քայլելը:

Հանդիպիր նոր մարդկանց. Եթե ուզում ես հանդիպել ավելի շատ հնարավորությունների, ուղղակի հանդիպիր նոր մարդկանց: Ինչքան շատ մարդկանց իմանաս, այդքան մեծ կլինեն հնարավորությունները, որ նոր էքսպերիմենտներ կունենաս: Հանդպիրի մարդկանց հետ ովքեր ունեն նույն հետաքրքրությունները, ինչ դու: Այցելիր կոնֆերանսների: Այս օրերին դու նույնիսկ կարող ես հանդիպել օնլայն՝ միացիր տարբեր ֆեյսբուքյան խմբերի, հետևիր մարդկանց թվիթերով: Մարդիկ այնքան ագահ չեն, ինչքան դու ես կարծում: Շատ մարդիկ բաց հայացքների տեր են և միշտ անհամբեր սպասում են նոր ընկերությունների ու կապերի:

Թարգմանությունը՝ Աննա Մկրտչյանի

Աղբյուրը՝ www.motivationgrid.com/