Որդի ուղեղով ռոբոտը

Գիտնականները տեղադրել են որդի ուղեղը լեգոյից պատրաստած ռոբոտի մեջ:

Կլոր որդի ուղեղը մրցում է արհեստական ինտելեկտի հետ՝ ապացուցելով, որ մի օր հնարավոր կլինի համակրգիչներում օգտագործել մարդու ուղեղը:

Այս նախագիծը բաց է և համախմբել է ամբողջ աշխարհի գիտնականներին և ծրագրավորողներին: Դրա նպատակն է ուսումնասիրել սովորական կլոր որդի վարքագիծը մեքենայում:

Նախագիծը վերջերս մի կարևոր բացահայտում արեց, երբ ծրագրային ապահովումը, որը կառուցված էր որդի նյարդային համակարգի նեյրոնների մոդելի հիման վրա, ինքուրույն կառավարում էր Լեգո ռոբոտին:

Մեքենայի սենսորները, առանց որևէ նախնական ծրագրավորման, խթանվելով սնունդով՝ աշխատացրին ռոբոտին՝ առաջ և հետ տանելով խոչընդոտներից:

Նախագծի վրա աշխատող գիտնականներից մեկն ասում է, որ տվյալ նախագիծը բաց է և սպասում է մասնագետների գնահատականներին: Անգամ եթե այդ գնահատականները քննադատական լինեն, ներկայացված արդյունքներն արդեն տպավորիչ են: «Մենք գիտենք,- ասում է գիտնականը,- որ ունենք նեյրոնների ճիշտ քանակ, որոնք միացված են իրար ճիշտ այնպես, ինպես որ կենդանիների մոտ, և նրանք այնպես են կազմակերպված, որ որոշ նեյրոններ ստանում են տեղեկատվություն, իսկ մյուսները՝ բաշխում»:

Նախագիծը նպատակ ունի ստեղծելու ճկուն մարմնով ռոբոտ՝ առաձգական մկաններով:

Որդի թվային տարբերակը կհայտնվի համացանցում հունիս ամսին՝ թույլ տալով յուրաքանչյուրին աշխատելու նախագծի վրա:

Նախագծի հեղինակը նշում է, որ դրա համընդհանուր և բաց լինելը նախագծի հիմնական գրավականներից է:

Մինչ օրս նախագծում ներդրումներ են ունեցել ավելի քան 60 մարդ` 15 երկրներից:

Այժմ նախագիծը բաժանվել է փոքր ենթախմբերի, որոնցից յուրաքանչյուրը աշխատում է տարբեր տարրերի հետ. մի խումբը աշխատում է մոդելի ֆիզիկական և մեխանիկական հատկանիշների վրա, մյուսը՝ նեյրոնների, մկանների և այլն:

Թարգմանությունը՝ Դավիթ Կիրակոսյանի

Աղբյուրը՝ www.cnn.com