Գալլիպոլիի ճակատամարտին նվիրված միջոցառումները Թուրքիայում չեղարկվել են

Գալլիպոլիի` Առաջին Համաշխարհային պատերազմի ժամանակ տեղի ունեցած ճակաամարտի հիշատակին նվիրված Թուրքիայի կառավարության կողմից կազմակերպվելիք գալիք միջոցառումները, որոնք նշվելու էին ապրիլի 24-ին՝ նույն տարվա նույն օրը, երբ լինելու են այն  հիշատակին նվիրված միջոցառումները, որ «Հայոց ցեղասպանություն» են կոչվում, չեղարկվել են մի շարք երկրների առաջնորդների պատճառով, ովքեր չեն ցանկանում այցելել Անկարա և ստվեր գցել Երևանում կայանալիք արարողությունների վրա:

«Գալլիպոլիի տոնակատարությունները չեղյալ են հայտարարվել: Բոլոր նախապատրաստական քայլերը կասեցվել են, քանի որ բազմաթիվ RSVP(Répondez s'il vous plaît (Խնդրում ենք հաստատել) տեսակի հրավերների պատասխանները դրական չէին: Ընդամենը հինգ երկիր է ընդունել հրավերը, այն էլ՝ ոչ բարձ պաշտոնյաների մակարդակով»,-Sunday's Zaman-ի հետ զրույցում հայտնել է կառավարության պաշտոնյաներից մեկը, ով ցանկացել է անանուն մնալ:

Թուրքիայի Սպորտի և Երիտասարդության նախարարության կազմակերպելիք Գալլիպոլիի ճակատամարտին նվիրված միջոցառումների կասեցումը մի մասն է Հայաստանի և Թուրքիայի ղեկավարների միջև վաղուց ծագած բառային պատերազմի՝ երկու կողմերի հրավերների փոխանակմանը՝ հորդորելով միմյանց ընդունել հրավերը և հարգել Առաջին աշխարհամարտի զոհերի հիշատակը իրենց իսկ երկրներում:

Հայերի և թուրքերի միջև այս լարված հարաբերությունները մասնավորապես սրվեցին, երբ Անկարան որոշեց Գալլիպոլիի օպերացիային նվիրված միջոցառումներ անցկացնել նույն ժամանակ, երբ որ անցկացվելու են 1915 թվականին Օսմանյան կայսրության կողմից Առաջին Համաշխարհային պատերազմի ընթացքում կատարած հայերի սպանությունների 100-ամյակին նվիրված միջոցառումները: Թուրքիայի կառավարությունը հրավերներ էր ուղարկել ավելի քան հարյուր առաջնորդների, ներառյալ  Հայաստանի նախագահ Սերժ Սարգսյանին՝ մասնակցելու միջոցառմանը: Օպերացիան Առաջին Համաշխարհային պատերազմի ամենահայտնի ճակատամարտերից մեկն է, երբ Օսմանյան զորքերը դիմադրեցին ներխուժումներին Դաշնակիցների, ովքեր Դարդանելի նեղուցի միջոցով ցանկանում էին վերահսկել Գալլիպոլիի թերակղզին:

«Մենք կռվել ենք միասին՝ մի մարդու նման: Ահա, թե ինչու մենք հրավիրեցինք Սարգսյանին»,- հայտարարել է կառավարության պաշտոնյան տեղական լրատվամիջոցներին՝ նկատի ունենալով Հայաստանի ազգային փոքրամասնությունների՝ թուրքերի կողքին լինելը Օսմանյան բանակում:

Երևանը մերժել է հրավերը և Ռեջեփ Թայիփ Էրդողանին բաց նամակով Սարգսյանն ասել է, որ հրավերը ինքնին ցույց տվեց Թուրքիայի՝ շարունակական բնույթ կրող քաղաքականությունը՝ ժխտել Հայոց ցեղասպանությունը, և ընգծեց, որ Թուրքիան պետք է ճանաչի 1915 թվականի սպանությունները որպես ցեղասպանություն:

Աղբյուրը՝ www.todayszaman.com