Երկու տարի հետո եվրոն կլինի ավելի էժան քան դոլարը

Deutsche Bank-ի վերլուծաբանների կարծիքով եվրոյի արժեզրկումը Եվրոպայից զանգվածային ներդրումների արտահոսքի հետևանք է: Վերջին շրջանում եվրոպական կապիտալի արտահոսքի ծավալները եղան սպասվածից ավելի մեծ:

Համաձայն մարտի 11-ին Deutsche Bank-ի հրապարակած կանխատեսումների` եվրոյի կուրսը ամերիկյան արժույթի համեմատ կընկնի 2015-ի վերջին, իսկ արդեն 2017-ին, վերլուծաբանների կարծիքով, 1 եվրոն համարժեք կլինի 85 ցենտի:

Բանկի վերլուծաբանների կարծիքով եվրոյի ենթադրյալ արժեզրկումը Եվրոպայից  զանգվածային   ներդրումների արտահոսքի հետևանք է: Ներդրումային ծավալի պակասելու պատճառը մեծ քանակությամբ պահուստների առկայությունն է: Օրինակ՝ գերմանական առևտրային հաշվեկշռի ավելցուկը կուտակվել է և ապա փոխանակվել ավելի  բարձր  եկամտաբերությամբ արժույթների:

«Եվրոպական կապիտալի արտահոսքի ծավալը եղավ մեր ի սկզբանե կանխատեսումներից ավելի մեծ: Հիմա մենք կանխատեսում ենք, որ տարվա վերջում եվրոյի կուրսը անկում կապրի մինչև 1 դոլարով, իսկ ահա 2017 թվականին այն հավասար կլինի 85 ցենտի,-կարծում է բանկի վերլուծաբան Ջորջ Սարավելոսը: - Նախկինում կատարած կանխատեսումների համաձայն  2016 թվականին 1 եվրոն պետք է համարժեք լիներ 95 ցենտի»։

Թարգմանությունը՝ Մերի Թելունցի

Աղբյուրը՝ www.ria.ru