Իսպանիայում գտել են Սերվանտեսի գերեզմանը

Դատաբժշկական գիտնականները ասում են, որ գտել են Իսպանիայի գրականության ամենասիրված հսկա Միգել դե Սերվանտեսի գերեզմանը՝ իր մահից համարյա 400 տարի անց:

Նրանք հավատում են, որ գտել են Սերվանտեսի, նրա կնոջ ու ուրիշների ոսկորները, որ թաղված են նրա հետ Մադրիդի Երրորդության Մենաստանում:

Հետազոտողները նշում են, որ դժվար է նրա վնասված ոսկորները մյուս բեկորներից առանձնացնելը:

«Դոն Կիխոտ» ստեղծագործության հեղինակը թաղվել է 1616 թվականին, բայց նրա դագաղը ավելի ուշ կորել էր:

Երբ 17-րդ դարավերջին մենաստանը վերակառուցվեց, նրա աճյունը տեղափոխեցին նոր կառույց, և դարեր պահանջվեց վերագտնելու այն մարդու գերեզմանը, ով հայտնի է նաև որպես Իսպանիայի «Նամակների իշխան»

«Նա վախճանվեց ինչպես մի աղքատ մարդ: Պատերազմի վետերան՝ իր մարտական վերքերով»,-ասաց Պեդրո Քորրալը՝ Մարդրիդի արվեստի, սպորտի և տուրիզմի խորհրդի ղեկավարը:

30 հոգանոց հետազոտողների խումբը մի մոռացված դամբարան-կառույցի տակ օգտագործել է ինֆրակարմիր տեսախցիկներ, 3D սկաններներ և ստորգետնյա թափանցող ռադարներ՝ թաղման վայրը ճշտելու համար:

33 խորշերի մեջ՝ մի հեռավոր պատի դիմաց, հնագետները հայտնաբերել են մի շարք հասուն մարդկանց ոսկորներ, որոնք համընկնում են այն մարդկանց հետ, ովքեր գերեզմանները դամբարան տեղափոխելուց առաջ թաղված էին Սերվանտեսի հետ:

«Մնացորդները վատ վիճակում են, լավ պահպանված չեն և թույլ չեն տալիս անհատապես նույնականացում անել Միգել դե Սերվանտեսի հետ»,-ասաց դատաբժշկական գիտնական Ալմուդենա Գարսիա Ռուբիոն:

«Բայց մենք համոզված ենք պատմական աղբյուրների վկայություններում, որ Միգել դե Սերվանտեսը թաղված է եղել այն մարդկանց հետ, որոնց գտել ենք»:

Հետագա հետազոտությունները թույլ կտան խմբին բաժանել Սերվանտեսի ոսկորները մյուսներինից, եթե հնարավոր լինի օգտագործել ԴՆԹ թեստ, նաև կպարզեն, թե որ ոսկորները չեն պատկանում հեղինակին:

 Ո՞վ էր Սերվանտեսը

1547. Ծնվել է Մադրիդի մոտ.

1571. Լեպանտոյի ճակատամարտում վիրավորվել է հրազենային վնասվածքով

1575. Գերեվարվել է և հինգ տարի Ալժիրում գերի մնացել

1605. Հրատարակում է «Լա Մանշի հնարամիտ ասպետ Դոն Կիխոտ»-ի առաջին մասը, իսկ երկրորդը՝ 1615-ին: Դոն Կիխոտը քաջ մարդ էր, ով արկածներ էր որոնում իր ծեր ձի Ռոսինանտի և իր հավատարիմ կալվածատեր Սանչո Պանսանի հետ:

1616. 68 տարեկանում Սերվանտեսը մահանում է՝ ունենալով վեց ատամներ: Թաղված է Երրորդության Մենաստանում:

Թարգմանությունը՝ Նարեկ Սահակյանի

Աղբյուրը՝ www.bbc.com