Բարություն

Մենք կայուն չենք. երբեմն նյարդային ու նյարդայնացնող ենք լինում, երբեմն՝ խիստ ու ներամփոփ, իսկ երբեմն էլ շատ բարի, մարդկային ու պատրաստակամ: Այս պատմությունները ներկայացնում են հենց այն դեպքերը, երբ մարդիկ ցուցաբերում են իրենց լավագույն հատկանիշները, երբ հասարակ մարդը իր բարությամբ անսովոր քայլ է անում…


1. Կորած փողերը 

Տուն եմ գնում: Շքամուտքում հայտարարություն կա. «Թանկագի՛ն հարևաններ, այսօր՝ մոտ ժամը 8:30, մուտքի դռան մոտ կորել է 150 ռուբլի: Եթե գտնեք, խնդրում եմ, տարեք 76 բնակարան՝ Ելենա Սեմյոնովնային: Թոշակը շատ չէ, այդ գումարը շատ է պետք»:
Հենց սա կարդացի, դրամապանակիցս 150 ռուբլի հանեցի, բարձրացա անհրաժեշտ հարկն ու 76 բնակարանի զանգը տվեցի: Դուռը մի հաճելի տատիկ բացեց՝ հագին գոգնոց: Հենց ես նրան մեկնեցի գումարը, տատիկը սկսեց լաց լինել ու գրկեց ինձ: Հենց զգացմունքները մի քիչ նահանջեցին, Ելենա Սեմյոնովան պատմեց, որ ես այսօր արդեն յոթերորդն եմ, ով «գտել» է իր գումարը: Շնորհակալ եմ, մարդի՛կ, որ այսքան կարեկցող եք: Ես ձեզ սիրում եմ:

2. Փափուկ խաղալիքները
Մի անգամ ես ու ընկերուհիս փափուկ խաղալիքներ էին շահել առևտրի կենտրոնում: Երբ արդեն ուզում էինք գնալ, մեզ հանդիպեց մի հայրիկ՝ մտվոր հետամնաց որդու հետ։ Մենք խղճացինք տղային ու որոշեցինք շահած խախալիքները նրան նվիրել: Տղան վերցրեց ու ասաց. «Շնորհակալություն»: Ու այդ պահին հայրը քիչ էր մնում լաց լիներ: Պարզվում է, այդ բառը առաջինն է, որ տղան վերջին մի քանի ամսում ասել է:

3. ՄանուշակըԱյդ օրը փողացում տատիկ տեսա, ով փորձում էր իր սենյակային ծաղիկը վաճառել. մանուշակ էր: Այքան խղճացի նրան, որ գնեցի խեղճի ծաղիկն ու դրա համար վճարեցի ավելի քան նա էր ասում: Տատիկը աչքերը լցրեց ու ասաց.
-Շնորհակալ եմ տղաս, կգնամ խանութից ծերուկիս համար երշիկ կգնեմ:
Մանուշակը բերեցի տուն ու հաջորդ օրը՝ առավոտյան, այն ծաղկեց:

4. Սուրճը
Ես արդեն վաղուց աշխատում եմ արագ սննդի կետում: Երեկ մի տղամարդ պատվիրեց ու կամաց ձայնով ասաց.
- Հերթում՝ ինձնից հետո, մի աղջիկ է կանգնած: Ես նրան չեմ ճանաչում, բայց կուզեի հաճելի բան անել: Ես հիմա նրա սուրճի համար ձեզ կվճարեմ: Ու նրան իմ կողմից լավ օր մաղթեք:
Սկզբում այդ աղջիկը շատ զարմացած էր, բայց հետո նա իր հետևում կանգնածի սուրճի համար վճարեց: Ամենազարմանալին այն է, որ սա կատարվեց 6 անգամ: Մի խոսքով, հրաշալի օր էր:

Բնագիրը

Թարգմանությունը՝ Դիանա Տատինցյանի