Լողացող տունը՝ Ուտոպիա

Բրիտանական BMT Nigel Gee ընկերությունը ստեղծել է մի կառույց, որը կլողա ջրի վրա։ Ընկերության աշխատակիցները կարծում են, որ կյանքի ապագան ծովի վրա է: Լողացող կառույց նախագիծն անվանվեց «Ուտոպիա»: Այն բաղկացած է կեցությանը հարմարեցված 11 տախտակամածներից։ Կառույցից կարող ես շրջապատը դիտել 360 աստճանով, և այն 4 ուղղաթիռի վայրէջքի տեղ ունի:

«Ուտոպիա» նախագիծը բացվել է Մոնակոյում: Դեռ հայտնի չէ, թե ինչքան գումար է պետք եկել կառույցի համար և ինչպիսի հաճախորդներ հետաքրքրված կլինեն նրա ձեռքբերումով:
Լողացող քաղաքն ըստ էության լողում է 4 հարթակների վրա: Նրանցից յուրաքանչյուրն ունի իրեն կայուն պահելու մեխանիզմ, եթե նույնիսկ արտակարգ պայմաններ լինեն: Այն կարող է շարժվել ցածր արագությամբ, իսկ բարձրությունը կազմում է 65 մետր: 13-րդ հարկում աստղադիտարանն է, ներքևում՝ քաղաքային հարմարությունները՝ խանութները, բարերը, լողավազանները, ռեստորանները:
 Նախագծման գծով ղեկավար Ջեյմս Ռոյն (James Roy) ասում է, որ ապագայի պատկերները  հաճախ սահմանափակվում են ներկայի և անցյալի իմացությամբ: «Ուտոպիա» նախագիծը կառույց է, որտեղ հնարավոր է միաժամանակ և՛ ապրել, և՛ ճանապարհորդել:
 Կառույցի մեջտեղով անցնում է մի սյուն, որը  ջրի տակ է մնում և գործում է որպես խարիսխ: Կա նաև նավահանգիստ, որը թույլ է տալիս մտնել ծով: Դիզայնը մշակվել էր Island Yacht Design կազմակերպության  համագործակցությամբ: Այս կազմակերպությունը մասնագիտացել է զբոսանավերի, առևտրային և մարտական նավերի դիզայնի մեջ, և օգտագործում է արդյունաբերության շարժիչ հանդիսացող նորարարական տեխնոլոգիաներ:

Աղբյուրը

Թարգմանությունը՝ Արարատ Միդոյանի

Խորհրդատու՝ Իրինա Ապոյան