Անկյան տակ

Հանս Հոլբեյն Կրտսերը գերմանացի հանրաճանաչ նկարիչ է: Իր կտավներից մեկը`«Մահացած Հիսուսը գերեզմանում», այնքան ուժգին ազդեցություն է թողել ֆյոդոր Դոստոևսկու վրա, որ նա իր կարծիքը նկարի մասին արտահայտել է իր հայտնի վեպի հերոսի՝ իշխան Միշկինի  միջոցով. «Ախր այդ կտավից հնարավոր է հավատը կորցնել»։

Հոլբեյնը եղել է նաև Անգլիայի՝  ամուսնությունների հանդեպ ունեցած սիրով հայտնի արքա Հենրի VIII-ի պալատական նկարիչը:

Մենք այսօր կխոսենք Հոլբեյնի «Դեսպաններ» կտավի մասին, որի միջոցով, ինչպես պարզվել է հետագայում, նկարիչը գաղտնի ուղերձ է թողել:

Երբ նայում ենք նկարին, առաջին հայացքից տեսնում ենք երկու լավ հագնված տղամարդկանց և  ինչ- որ տարօրինակ ձգված առարկա: Շատ երկար ժամանակ բոլորը վիճում էին, թե ինչ է արդյոք պատկերված, բայց պարզվեց, որ հասկանալու համար կտավին պետք է նայել անկյունից (նկարը՝ այստեղ)

Ինչպես տեսնում ենք, պատկերվածը գանգ է։ Դա նկատելի է, երբ կտավին նայում ենք աջ անկյունից և շատ մոտ կանգնած: Քննադատները համարում  են, որ այդ միջոցով Հոլբեյնը փորձել է ցույց տալ, որ սովորաբար կյանքում մարդու համար մահը թվում է մի անհասկանալի կետ, որին չարժե ուշադրություն դարձնել: Բայց փոխելով տեսադաշտը և ավելի խորը նայելուց հետո մահը գալիս է առաջին պլան, և ամեն ինչ կորցնում է իմաստը, վերածվում պատրանքի…

Հիմա մեզ հայտնի դարձավ, որ նկարներում պատրանքներն օգտագործվել են դեռևս XVI դարում: 

Աղբյուրը

Թարգմանեց Մերի Մարկոսյանըhttps://youtu.be/sNlgLSRZaos