 |
| Ռենե Մագրիտ․ Թերապեւտը |
Հանգիստ թողեք բոլորին, նույնիսկ ինքներդ ձեզ, և դուք կունենաք ամեն ինչ…
Թույլ տվեք շնչել…
Թույլ տվեք սեփական կյանքը աչքի անցկացնել…
Եվ թույլ տվեք ապրել այդ կյանքը …
Բան դուրս չի գալիս, երբ փորձում ենք բոլորին տեղավորել մեր սեփական կանոնների և ակնկալիքների մեջ…
Մենք միշտ ուզում ենք բոլորից ինչ-որ բան ստանալ…
Մենք ուզում ենք բոլորին ինչ-որ բան ապացուցել…
Մենք իրարանցման մեջ ենք, համեմատում ենք, անհանգստանում ուրիշների ձեռքբերումներով, վախենում ենք հետ մնալուց, մրցում…
Եվ մենք քշված ուտիճների պես սուրում ենք կյանքի միջով՝ մեր եռուզեռով վախեցնելով բոլորին և չկարողանալով մեզ համար տեղ գտնել…
Բայց չէ՞ որ իրականում ամեն ինչ պարզ է ու ազնիվ…
Մեզ տալիս են այնքան, ինչքան կարող են և ուզում են… և պետք չէ դա վիճարկել, քանի որ մենք էլ տալիս ենք ճիշտ այնքան, որքան կարող ենք և ուզում ենք…
Եվ հիմարություն է մտածել, որ եթե մարդը կարող է ավելին տալ, ապա մենք պետք է ստիպենք նրան դա անել…
Կարիք չկա։
Որովհետև արհեստականորեն ստացածը կմնա արհեստական…
Մենք ունենք մեկ ընտրություն՝ համաձայնել կամ չհամաձայնել…
Եվ բոլորն էլ ճիշտ նույն ընտրությունն ունեն, բարեկա՜մս…
Մենք գիտենք, թե ինչպես պահանջել կյանքից, բայց չգիտենք՝ ինչպես վայելել գրեթե այն ամենը, ինչ ունենք…
Մենք բավարարված ենք շատ կարճ ժամանակով, իսկ հետո նմանվում ենք երեխաների, որ սպասում են նոր նվերների ու ատրակցիոնների…
Մենք ոչ մեկին հանգիստ չենք թողնում, և սերը փլուզվում է՝ հարաբերություններն ու վիրավորանքները պարզելուց հոգնած…
Երեխաները երես են թեքում, քանի որ մենք նրանց դաստիարակչական տոնով սովորեցնում ենք այն, ինչ ինքներս չենք կարողանում անել…
Մեր սիրելիները փակվում են մեր առաջ, քանի որ նրանցից սպասում ենք հրաշքներ, ինչից մենք ինքներս բավականին աղքատ ենք…
Մենք ինքներս մեզ էլ սեղմում ենք՝ ժխտելով մեր գոյությունը և ամենից շատ ողբում, որ հեռու ենք հաջողակ մարդու պարտադրված և կոմերցիոն ճանապարհով ստեղծված իդեալից…
Կրկին.
Հանգիստ թողեք ձեզ:
Հանգիստ թողեք բոլորին։
Ձգտեք ներդաշնակության ինքներդ ձեզ հետ, այլ ոչ թե մարդկանց նկատմամբ ամենակարողության…
Սովորեք արթնանալ ուրախությամբ…
Սովորեք նկատել մարդկանց մեջ լավագույնը և անպայման ասեք նրանց այդ մասին: Թերություններն իրենք արդեն գիտեն …
Սովորեք սիրել առանց ստրկության՝ ազատորեն և առատաձեռնորեն, և ոչ թե խեղճ ու նախանձով…
Սովորեք ապրել ցանկացած մակարդակի մաքրության մեջ՝ մտքերից մինչև մաքրված պատուհաններ…
Սովորեք ամեն անգամ ինչ-որ բան անելիս նորովի մտածել և ոչ թե ինքնաբերաբար վերցնել պատրաստի կաղապարներ, որոնք հորինվել են ոչ թե յուրաքանչյուր անհատի անհատական խնդիրները լուծելու, այլ զանգվածներին կառավարելու համար…
Սովորեք վստահել նրանց, ում սիրում եք, և կտեսնեք, թե որքան երախտապարտ կարող է լինել մարդը, երբ ազատվում է վերահսկողության ստորացումից…
Հավատացեք բնությանը, դա միակ բարձրագույն ուժն է, որ գոյություն ունի այս մոլորակի վրա…
Եթե մոգություն ես ուզում, մի հատիկ դիր հողի մեջ…
Եթե ցանկանում ես իսկական գեղեցկություն, ապա նայիր, թե ինչ դեկորացիաներով է նա շրջապատում իրեն ամեն եղանակին…
Եթե ուժ ես ուզում, ստացիր այն՝ վստահելով նրան և սիրելով քո մարմինն այնպես, ինչպես նա է ստեղծել…
Բնությունն ունի պարզ օրենքներ…
Եվ մենք դժբախտ ենք դառնում հենց այն ժամանակ, երբ իզուր փորձում ենք դրանք բարդացնել…
Լիլյա Գրադ
Թարգմանությունը՝ Անի Դադայանի
0 մեկնաբանություն:
Post a Comment