2011 թվականի մարտի 11-ին ցունամին ոչնչացրեց ճապոնական Ֆուկուսիմա քաղաքի ատոմակայանը։ Այդ օրն այնտեղ ամեն ինչ փոխեց, շրջակայքը դարձավ անբնակ։ Բայց քաղաքականությունը շարունակում է հենվել միջուկային էներգիայի վրա։
2011 թվականի մարտի 11-ին Ֆուկուսիմայի ատոմակայանում ամեն ինչ շատ արագ տեղի ունեցավ. ստորջրյա երկրաշարժը հանգեցրեց ցունամիի, որը ավերեց ատոմակայանը։ Պայթյունների արդյունքում արտանետվեցին վտանգավոր ռադիոակտիվ ճառագայթներ։ Ծխացող ռեակտորի նկարները տարածվեցին աշխարհով մեկ։ Այսօր ատոմակայանի շրջակայնքն անբնակ է, քանի որ մի մեծ տարածք դեռ աղտոտված է։
Այն ժամանակ ավելի քան 160․000 մարդ ստիպված էր փախչել ճառագայթումից, 37․000-ին դեռ թույլ չի տրվել վերադառնալ իրենց տները։ Որոշները, որոնք մի փոքր հեռու էին ապրում, այժմ վերադարձել են։ Սակայն նրանց մեջ երեխաներով ընտանիքներ գրեթե չեն լինում, այլ հիմնականում տարեց մարդիկ։ Նրանցից մեկը 95-ամյա Սեյմեի Սասակին է, ունի մի քանի բրնձի դաշտ և ցանկանում էր նորից ապրել սեփական տանը։ Նա կարծում է. «Մինչև ամեն ինչ նորից լավ լինի, կպահանջվի 30 տարի, գուցե անգամ 50 տարի»։
Դեռևս շատ բան պարզ չէ. աղետի ընթացքում արտանետված ռադիոակտիվ նյութերն ավերված էլեկտրակայանից դեռ չեն վերացվել։ Նաև տասը տարիների ընթացքում այնտեղ կուտակվել է մեծ քանակությամբ ռադիոակտիվ ջուր, որը օպերատոր TEPCO-ն այժմ կցանկանար բաց թողնել ծով։
2011 թվականի մարտի 11-ը Ճապոնիայում քաղաքական հետևանք չի ունեցել. աջ պահպանողական կառավարությունը, որը պաշտոնավարում է 2012 թվականից, դեռևս հենվում է միջուկային էներգիայի վրա։ Ճապոնացիների մեծամասնությունը, այնուամենայնիվ, կողմ է միջուկային ծրագրի փուլային դադարեցմանը, բայց չի բողոքում: Հազիվ թե մեկը հավատում է, որ դրանով ինչ-որ բան կփոխվի։ Այնուամենայնիվ, Ֆուկուսիմայում նրանք ցանկանում են մինչև 2041 թվականը միայն կանաչ էլեկտրաէներգիա արտադրել, և այլևս երբեք՝ միջուկային էներգիա։
Թարգմանությունը՝ Լուսի Ղարիբյանի
0 մեկնաբանություն:
Post a Comment