Microsoft-ը բացում է Windows 10-ի վարագույրները

Անցած շաբաթ Microsoft-ը ներկայացրեց, թե ինչպես է նոր օպերացիոն համակարգը աշխատելու համակարգիչների, նոթբուքների, պլանշետների և սմարթֆոնների վրա: Windows 10-ի հիմնական նորամուծությունն այն է, որ այն կաշխատի նաև հոլոգրաֆիկ համակարգով և հնարավոր կլինի օգտագործել ոչ միայն համակարգչի էկրանը, այլ նաև էկրանից դուրս այլ հոլոգրաֆիկ համակարգեր:

Հոլոգրաֆիկ հատուկ չիպը թույլ կտա համակրգչին ճանաչելու ձեր ձայնը, շարժումները և անգամ այն, թե որ կողմ եք դուք նայում: Այս նորամուծությունը թույլ կտա նաև ստեղծելու 3D առարկաներ ձայնի և ժեստերի միջոցով և տպել դրանք 3D տպիչներով:

Microsoft-ը գիտակցում է, որ Windows 8-ը այնքան էլ լավ չընդունվեց շահագործողների կողմից, և այս նոր համակարգում այդ ամենը հաշվի է առնված: Այն ավելի հարմար կլիի  Windows 7-ի այն օգտատերերին, ովքեր այդպես էլ չընդունեցին Windows 8-ը: Նոր համակարգը համակարգչում այնպիսի փոփոխություններ է կատարել, որոնք արդեն առկա էին պլանշետներում և սմարթֆոններում:

Ինչպես սմարթֆոններն ու պլանշետները, այս նոր օպերացիոն համակարգը հասանելի կլինի որպես անվճար թարմացում բոլոր նրանց համար, ովքեր օգտագործում են  Windows 8.1-ը:

Այլևս չի գործածվի Internet Explorer-ը, դրան կփոխարինի մի նոր բրաուզեր, որը արդեն անվանակոչվել է Project Spartan: Այս բրաուզերը կօգտագործվի Windows 10 համակարգում և նման կլինի Chrome և Firefox բրաուզերներին:

Այն կընդունի ձայնային հրամաններ՝ կատարելով ձեր բոլոր առաջադրանքները:

Windows 8-ից հանված Start մենյուի կոճակը Windows 10-ում նորից կվերադառնա:

Task bar-ի (խնդիրների բաժին) նոր կոճակը թույլ կտա մեկ պատուհանում ցույց տալ այդ պահին բացված ձեր բոլոր պատուհաններն ու ֆայլերը:

Թարգմանությունը՝ Դավիթ Կիրակոսյանի

Աղբյուրը՝ www.cnn.com