Բումերանգի օրենքը

«Երկրագունդը դդումի տեսք ունի» հրապարակումը, ինչպես որ սպասվում էր, շատ տարակուսած հարցերի տեղիք տվեց:
Հիշեցնեմ, որ խոսքը ինքդ  քո մեջ այնպես սուզվելու մասին է, որ սկսես տեսնել, որ այն ամենը, ինչ քեզ հետ կատարվում է, հենց դու ես կյանքի կոչում: Դա կարելի է անվանել բումերանգի օրենք։
Եթե քո ճակատին բումերանգ է դիպել, նշանակում է, դու ես դա վերջերս նետել:

Հարցերը հետևյալն էին.
 -Այդ դեպքում ինչպե՞ս ապրենք։
- Կա՞ն մարդիկ, ովքեր այդպես են ապրում:

Վարպետի աշակերտը

Ասպետը երկար քայլում էր անապատով:  Նրան տանջում էր ծարավը, 

վերջապես հաշավ մի լճի: 

Բայց լճի մոտ մի վիշապ կար նստած: 

Երեք օր և երեք  գիշեր ասպետը կռվեց վիշապի հետ:

Մինչև երկուսն էլ  ընկան ուժասպառ: Վերջին ուժերով վիշապը 

հարցրեց ասպետին.

-Ասպ՛ետ, իսկ դու ի՞նչ էիր ուզում:

-Ջուր խմել:

-Է, խմեիր:

Մարդիկ հիմնականում ապրում են մեխանիկորեն և չեն գիտակցում, թե ինչ են անում: Այդպիսի իրավիճակում հասկանալ, որ դու ինքդ ես փչացնում քո կյանքը և պայքարում քո իսկ հորինած վիշապների դեմ, անհնարին է: Այդ պատճառով էլ ձեն աշակերտները միշտ սկսում են գիտակցումից:  Աշակերտը սկսում է գիտակցել, թե ինքը  ինչ է անում, ինչ է ասում, ինչ է մտածում և ինչ է զգում: Միայն այդ դեպքում նա կարող է սկսել տարբերել սեփական առասպելները իրական կյանքից:
Ձեն վարպետներն ասում են. «Եթե մենք անուշադիր ենք ապրում, մեռնում ենք պատրանքների մեջ»:
Ձեն աշակերտը անոմ է այն, ինչ անում է ցանկացած վանական. ջուր է կրում, ցախ է ջարդում, կերակուր է պատրաստում: Միայն՝ դա անում է գիտակցաբար: «Այստեղ և հիմա» կարգավիճակում: Փորձում է լինել այդ կարգավիճակում:
Եթե կարողանում է, ապա նրա առջև բացվում է կյանքի իմաստությունը։
Եթե աղբյուրը ամեն ինչի, որ կատարվում է ձեզ հետ, դուք ինքներդ եք, չկա ոչինչ ավելի կարևոր, քան քեզ լավ վիճակի բերելը: Միայն այդ դեպքում դուք կյանքից կստանաք միայն լավը:
Բուդդան ասել է, որ մարդու կարճ կյանքը կապված է սպանության և բռնության հակումների, հիվանդությունները՝  դաժանության, այլանդակությունը՝ զայրույթի, իսկ աղքատությունը՝ նախանձի և ագահության հետ:
Սա կարելի է ընդունել բառերի մակադակով, և այդ դեպքում դա դատարկ գիտելիք է: Բայց սա կարելի է գիտակցել և դառնալ ձեն վարպետ:

Վարպետի ուղին

Միայն լոտոսի դիրքով նստելով ես հասկանում

 պարզ բաները՝ 

ուր է կորել հեռախոսի լիցքավորիչը։

Ձենի մասին խոսակցությունները հիմա ընդունված են: Դրա համար էլ հաճախ կարելի է լսել  «Սա է իմ կարման» արտահայտությունը: Այս արտահայտությունը կարելի է թարգմանել այսպես. «Ես այստեղ կապ չունեմ, բոլոր հարցերն ուղղեք իմ կարմային»:
Բայց կարմա ասածը նա է, որ ամեն մարդ պատասխանատու է իր արարքների համար: Հենց այն, ինչ որ դուք անում եք այս պահին, ձևավորում է ձեր կարման: Հենց որ փոխում եք ձեր վարքագիծը, փխվում է նաև ձեր կարման:
Ձեն վարպետները ասում են.  «Այն, ինչ որ դուք այսօր ստեղծել եք, վաղը կանվանեք ճակատագիր:  Բայց շատ ավելի օգտակար է, «ճակատագիր» բառի փոխարեն  ասեք «իմ կամքը»:
Ձեր կյանքի շատ իրադարձություններ, որոնց մասին ասում եք՝ որ մեղքիս համար է, գիտակցելու դեպքում կհասկանաք, թե որ: Բոլոր այն մտքերն ու մտադրությունները, որոնք նախկինում անցել են ձեր գիտակցության կողքով, հասկանալի կդառնան:
Ձենի տեսանկյունից չկան պատահականություններ և զուգադիպություններ: Ամեն ինչ, որ տեղի է ունենում ձեզ հետ, դուք եք հրավիրում ձեր կյանք: Երբեմն դա կատարվում է բացահայտ: Դուք հայտնվել եք այլ քաղաքում, որովհետև գնել եք գնացքի տոմս և հայտնվել եք այդտեղ: Դա պարզ է բոլորին: Բայց եթե դուք ուշացել եք գնացքից, մարդիկ կմտածեն, որ դուք ուղղակի ուշացել եք գնացքից. «Զարդուցիչը փչացել է և ուշ է զնգացել»: Սակայն ով էր ձեզ խանգարում լարել տասը զարդուցիչ կամ գալ գնացքի մեկնելուց տասը ժամ առաջ:
Որոշ զուգադիպություններ կարող են թվալ ուղղակի պատահականություն, բայց դա խոսում է միայն այն մասին, որ դուք պատրաստ չեք տեսնելու դեպքերի միջև եղած նուրբ կապը: Դուք մտածում եք ինչ-որ մեկի մասին, և նա զանգում է ձեզ: Պատահականությո՞ւն է: Դուք կարող եք սա համարել պատահականություն, բայց կարող եք խորասուզվել ինքներդ ձեր մեջ և հասկանալ այդ դեպքերի կապը: Իմանալով բումերանգի օրենքը և վերլուծելով ձեր կյանքը՝ դուք ձեր մասին շատ բան կարող եք հասկանալ:
Դուք կարող եք հասկանալ ձեր կյանքի ամեն ձախողումը՝
յուրաքանչյուր բաժակի կոտրվելը,
յուրաքանչյուր անգամ մատը վնասելը,
յուրաքանչյուր անարգական խոսք Ձեր հասցեին.
Հաճախ է հնչում «Հնարավո՞ր է ուղղել կարման» հարցը: Հնարավոր չէ: Բոլոր այն բումերանգները, որոնք դուք նետել եք, բախվելու են ձեր ճակատին: Պատրաստվեք հանդիպմանը:
Բայց այ, ապագան կարելի է փոխել ամեն րոպե: Եթե դառնաք գիտակից, չեք փչացնի ձեր ապագան:
Ձեր կյանքի ամեն մի րոպեի մեջ այնպես մտեք,  կարծես սպասել եք դրան ձեր մբողջ կյանքում:

Թարգմանությունը` Հռիփսիմե Մելիքյանի
Աղբյուրը` www.sherementev.info