Թուրքիան Վատիկանի դեսպանից բացատրություն է պահանջել այն բանի համար, որ Հռոմի պապ Ֆրանցիսկոսն օգտագործել է «ցեղասպանություն» բառը՝ նկարագրելու
Հայաստանում
Առաջին
համաշխարհային պատերազմի տարիներին Օսմանյան
կայսրության
օրոք տեղի ունեցած
զանգվածային
սպանությունները:
Արտաքին գործերի նախարարությունը հայտնել է դեսպանին, որ հիասթափված է մեկնաբանություններից, որոնց հետևանքով վստահության խնդիր առաջացավ Թուրքիայի ու Վատիկանի միջև:
Հայաստանն ու շատ պատմաբաններ ասում են՝ 1915 թվականին համակարգված ձևով մինչև 1.5 միլիոն մարդ է
սպանվել Օսմանյան ուժերի կողմից:
Թուրքիան հետևողականորեն ժխտում է, որ դա ցեղասպանություն էր:
Վեճը շարունակում է
վատացնել հարաբերությունները Հայաստանի ու Թուրքիայի միջև:
Պապը ցեղասպանություն բառը սպանությունների համար օգտագործել էր երկու տարի առաջ՝ «հրահրելով» Թուրքիայի թեժ բողոքները:
Հայկական կաթոլիկական Սուրբ Պետրոս տաճարում տեղի ունեցած կիրակնօրյա պատարագին նա ասել է, որ մարդկությունը վերջին երեք դարերի ընթացոքւմ ապրել է
երեք զանգվածային և աննախադեպ ողբերգություններ:
«Առաջինը, որը մեծամասամբ համարվում է «20-րդ դարի առաջին ցեղասպանություն», հարված էր ձեզ՝ հայերիդ»,-ասել է նա այնպես, ինչպես 2001-ին Հռոմի պապ Հովհաննես Պողոս II-ը:
Պապ Ֆրանցիսկոսը նաև անդրադարձավ նացիզմի և
ստալինիզմի հանցագործություններին և ասել, որ մյուս ցեղասպանությունները Կամբոջայում, Ռուանդայում, Բուրունդիում և
Բոսնիայում են եղել:
Նա ասաց, որ իր պարտքն էր հարգել զոհվածների հիշատակը:
«Չարիքը թաքցնել կամ ժխտելը նույնն է, ինչ թույլ տալը,
որ վերքը շարունակաբար արնահոսի՝ առանց վիրակապելու այն»:
Թարգմանությունը՝ Նարեկ Սահակյանի
Աղբյուրը՝ www.bbc.com
0 մեկնաբանություն:
Post a Comment