Ցանցին միացված հեծանիվները կնվազեցնեն գողությունների քանակը

Միացյալ Նահանգներում տարեկան ութ հարյուր հազարից մինչև երկու միլիոն հեծանիվ են գողանում: Եթե դուք գողության զոհ եք, ապա ծանոթ կլինեք՝ ինչքան դառն է հեծանիվ կորցնելը: Հեծանիվների մեծ մասը ավտոմեքենաների պես գրանցված չեն, այնպես որ, եթե ձեր հեծանիվը անհետանում է, ապա ձերը բախտ չբերեց:

Ցանցին միացված նոր սարքը կարող է նվազեցնել հավանականությունը, որ ձեր հեծանիվը կգողանան, այն նաև մեծացնում է կորածը գտնելու հավանականությունը:

Փարիզում տեղակայված Connected Cycle-ի ոտնակը GPS-ով է և հատուկ հավելվածի միջոցով կարող է կապվել սմարթֆոններին: Մի անգամ այն սմարթֆոնին միացնելուց հետո ոտնակը ինքնաբերաբար գրանցում է արագությունը, երթուղին, ճանապարհի թեքությունն ու յուրաքանչյուր հեծանվային ուղևորության արդյունքում այրած կալորիաների քանակը: Այնպես է ծրագրավորված, որ անմիջապես տեղեկացնի տիրոջը, եթե հեծանիվը հանկարծակի տեղաշարժվել է:

«Այս նոր, տեխնիկապես հագեցած սարքը անկթարթորեն տեղեկացնում է հեծանիվի տիրոջը, որ հեծանիվը շարժվել է, և թույլ է տալիս իմանալ նաև հեծանիվի գտնվելու վայրը,-ասում է Connected Cycle-ի համահիմնադիր Ժան- Մարի Դիբբաշը։ -Այն նաև հաղորդում է, թե որտեղ է վերջին անգամ հեծանիվը կայանել»:

Ներքին պահեստամասերը պաշտպանվում են ալյումինե պատյանով: Ոտնակները հինգ գույնի են՝ սև, կարմիր, կապույտ, կանաչ և նարնջագույն, և յուրաքանչյուրը կարող են տեղադրել ընդամենը երկու րոպեում:

Connected Cycle ներկայացրել է ոտնակի նախատիպը  CES 2015-ի ժամանակ:

 Թարգմանությունը՝ Նարեկ Սահակյանի

Աղբյուրը՝ www.discovery.com