Փարիզում ձերբակալվել է մի ութամյա տղա

Փարիզ. Ոստիկանությունը Ֆրանսիայի հարավից ձերբակալել և հարցաքննել է  ութամյա մի տղայի, ով հայտարարել է, որ աջակցել է երգիծական Charlie Hebdo ամասգրի վրա հարձակված ահաբեկիչներին:

Ահաբկիչներին պաշտպանելու համար տասնյակ մարդիկ են ձերբակալվել, որոնց  դատական արագացված քննության ընթացքում սպասվում է երկար տարիների բանտային կյանք:

Բայց հարավային Նայս քաղաքի այս երեխան, պարզվում է, ձերբակալվածներից ամենաերիտասարդն է:

Տղան հայտարարել է. «Ֆրանսիացիները պետք է սպանվեն: Ես ահաբեկիչների հետ եմ: Մահմեդականները լավ են արել, և լրագրողները ստացան այն, ինչի արժանի էին»: Այս մասին BFM հեռուստաընկերությանն ասել է Ալպես-Մարիթայմս տարածաշրջանի հանրային անվտանգության փոխտնօրեն Ֆաբիեն Լևանդովսկին: Նա ասել է, որ երեխան նաև հրաժարվել է մասնակցել հունվարի 9-ի՝ զոհերի հիշատակի լռության րոպեին:

Ամսագրի գրասենյակի վրա հարձակումը խլեց 12 մարդու կյանք, Փարիզում ահաբեկչությունը տևեց երեք օր, որի արդյունքում սպանվեցին 20 մարդ՝ այդ թվում զինավծ անձինք: Դպրոցի տնօրենը երեխայի դեմ բողոք է ներկայացրել հունվարի 21-ին, և հենց այդ օրն էլ երեխան իր հայրիկի և փաստաբանի ներկայությամբ հարցաքննվել է:

«Նրան հարցաքննելու պատճառը պարզելն էր, թե ինչը կարող էր ազդեցություն ունենալ երեխայի վրա, որ նա նման բան է ասել»,-ասել է Լևանդովսկին,-«Ամոթ է, որ այն պատահել է պաշտոնական հարցաքննության ժամանակ, բայց նրա ասածների պատճառով հարկավոր է գնալ մինչև վերջ, քան սովորաբար է լինում»։

Ընտանիքի փաստաբան Սեֆեն Գուեզ Գուեզը ասել է, որ հարցաքննության արդյունքում երեխան ոստիկանության բաժանմունքում ցույց է տվել «հավաքական հիստերիա»:

«Ութամյա տղան չի պատկանում ոստիկանության բաժանմունքին: Սա անհնար և լիովին անիրական է»,-նշել է նա: