Copyright © Թարգմանի'ր
Design by Dzignine

«Եթե մի բան ուզում ես լավ հասկանալ, թարգմանիր». Բերնարդ Շոու

Հետաքրքիր նյութեր CSS Drop Down Menu by PureCSSMenu.com
Friday, January 1, 2021

Գույների հոգեբանական ազդեցությունը

  


Դեռ Յ.Վ. Գյոթեն նշել է գույների ազդեցությունը տրամադրության վրա և այդ տեսակետից գույները բաժանել է`
ա) գրգռողների, կենդանացնողների, զվարթացնողների և
բ) տխուր - անհանգիստ տրամադրություն առաջացնողների։

Առաջինների թվին նա դասում է կարմրա-դեղինը, երկրորդների թվին՝ կապտա-մանուշակագույնը։ Նրանց մեջտեղում նա տեղադրում է կանաչը, որը, Գյոթեի կարծիքով, նպաստում է ներքին հանգստության և խաղաղության վիճակին։


Այս էմոցիոնալ ազդեցության վրա հայտնի դեր են խաղում նաև զուգորդումները` կապույտը նմանացնում ենք կապույտ երկնքի, կանաչը՝ խոտի հետ, կապտա-կանաչը՝ ջրի հետ, նարնջագույնը՝ կրակի հետ և այլն։
Գույները որոշակի ֆիզիոլոգական ազդեցություն ունեն մարդու օրգանիզմի վրա։
Կարճաժամկետ աշխատանքի դեպքում շխատանքի արտադրողականությունը աճում է կարմիր գույնի ազդեցությամբ , իսկ կապույտի ազդեցությամբ՝ նվազում։ Երկարաժամկետ աշխատանքի դեպքում արտադրողականությունը աճում է կանաչի և նվազում կապույտի և մանուշակագույնի ազդեցությամբ։ 

Ֆ․ Ստեֆանեսկու-Գոանգան հաստատել է, որ վարդագույնի, կարմիրի, նարնջագույնի, դեղինի ազդեցության ժամանակ արագանում և խորանում են շնչառությունը և զարկերակը, իսկ կանաչի, երկնագույնի, կապույտի և մանուշակագույնի ազդեցության ժամանակ առաջանում է հակառակ էֆեկտը։ Հետևաբար՝ գույների առաջին խումբը գրգռիչ է, իսկ երկրորդը՝ հանգստացնող։
Ըստ արվեստագետների և նկարիչների՝ կարմիրը գրգռիչ, տաքացնող, կենդանացնող, ակտիվ,  եռանդուն է, շատ հարուստ է զուգորդություններով․ նարնջագույնը ուրախ, զվարթ, կրակոտ է, դեղինի ուրախությունը և կարմիրի հուզմունքը միացնող․ դեղինը  տաք, աշխուժացնող, ուրախ, գրավիչ է, մի քիչ էլ սեթևեթող․ կանաչը հանգիստ է, ստեղծում է հաճելի (հարմարավետ) տրամադրություն, հարուստ է զուգորդություններով․ կապույտը հանգիստ է, լուրջ, քնքուշ, մռայլ, խաղաղ, սենտիմենտալ․ մանուշակագույնը միացնում է կարմիրի և կապույտի էմոցիոնալ ազդեցությունը. միաժամանակ և՛ գրավիչ է, և՛ վանող, կյանքով լի և թախիծ ու տխրություն առաջացնող։


Ս.Լ.Ռուբինշտեյնի «Ընդհանուր փիլիսոփայության հիմունքներ» գրքից, «Питер» հրատարակչություն, 2000թ., գլուխ YII, «Զգացողություններ և ընկալումներ»

Աղբյուրը

Թարգմանությունը՝ Արման Պողոսյանի

0 մեկնաբանություն:

Post a Comment