Տեղիցդ վեր կաց. ինքդ քեզ մոտիվացնելու 13 եղանակ, երբ ճգնաժամի մեջ ես

Երբեմն մենք այնպիսի ճգնաժամի մեջ ենք ընկնում, որ նույնիսկ դրական փոփոխություններ անելու մասին մտածելը շատ դժվար է թվում: Բայց մի հուսահատվիր. շատ փոքր քայլերով կկարողանաս սկսել դրական փոփոխությունների ճանապարհը: Գիտեմ, գիտեմ, երբեմն անհնար է թվում, զգում ես, որ ոչինչ չես անում: Ես  զգացել եմ  և ժամանակ առ ժամանակ զգում եմ դա: Մենակ դու չես։ Բայց ես մի քանի եղանակ եմ գտել՝ ճգնաժամից դուրս գալու համար:

1.Մեկ նպատակ. երբ էլ որ ես ճգնաժամի մեջ եմ ընկել, հասկացել եմ, որ հաճախ դա նրանից է, որ ընթացքի մեջ չափից շատ բան ունեմ իմ կյանքում: Ես փորձում եմ չափից շատ բան անել: Իսկ դա խլում է իմ էներգիան և մոտիվացիան: Երևի թե դա ամենահաճախ հանդիպող սխալն է, որ մարդիկ անում են։ Նրանք փորձում են միանգամից իրականացնել շատ նպատակներ: Դուք չեք կարող պահպանել ձեր էներգիան և կենտրոնացվածությունը (նպատակն իրականացնելու համար ամենակարևոր երկու բաները), եթե փորձում եք իրականացնել երկու կամ ավելի նպատակ միանգամից: Անհնարին բան է՝ ես ինքս շատ եմ փորձել: Դուք պետք է ընտրեք մեկ նպատակ ներկայի համար և վերջնականապես կենտրոնանաք դրա վրա: Գիտեմ, որ բարդ է, նորից ասում եմ իմ փորձից: Դուք միշտ կարող եք իրականացնել ձեր մյուս նպատակները, երբ իրականացնեք այս Մեկը:

2.Գտեք ոգեշնչման աղբյուր: Ոգեշնչման իմ աղբյուրը այն մարդիկ են, ովքեր հասել են այն նպատակին, որին ես նույնպես ձգտում եմ, կամ այն մարդիկ, ովքեր դեռևս աշխատում են դրա վրա: Ես կարդում եմ այլ բլոգներ, գրքեր, ամսագրեր: Ես փնտրում եմ գուգլում իմ նպատակի մասին, հաջողության մասին պատմություններ:

3.Ոգևորվեք: Սա ակնհայտ բան է, սակայն շատ մարդիկ չեն մտածում դրա մասին։ Եթե ուզում եք դուրս գալ ճգնաժամից, ոգևորվեք ձեր նպատակից: Բայց ինչպե՞ս կարող եք մի բան անել, եթե մոտիվացված չեք: Լավ, դա սկսում է այլ մարդկանից ոգեշնչվելուց (տե՛ս վերևում), բայց դու պետք է բռնես այդ ոգևորությունը և դրա վրա կառուցես: Ես ինքս, հասկացել եմ, որ դրա մասին խոսելը այլ  մարդկանց հետ և կարդալը դրա մասին ինչքան հնարավոր է,  երևակայելը հաջողակ լինելու մասին (մտքում տեսնելով նպատակի իրականացման օգուտները), ոգևորում են ինձ: Հենց որ դա արեցի, առիթ ունեցա այդ էներգիան առաջ տանելու և շարունակելու ընթացքը:

4.Ակնկալիքներ ունեցեք։ Սա կարող է ծանր թվալ, և շատ մարդիկ գուցե բաց թողնեն այս քայլը, բայց այն իրոք գործուն է: Եթե ոգեշնչում ունեք և ուզում եք նպատակ իրականացնել, մի սկսեք անմիջապես: Մեզանից շատերը ոգևորվում են և ցանկանում սկսել հենց այսօր: Դա սխալ է: Օր նշանակեք ապագայում ՝ մեկ կամ երկու շաբաթից, կամ նույնիսկ մեկ ամսից և նշանակեք այն որպես մեկնարկի օր: Նշեք այն օրացույցի վրա: Ոգևորվեք այդ օրով, համարեք այն ամենակարևոր օրը ձեր կյանքում, քանի որ, մեկնարկը ձգձգելով, դուք ակնկալիքներ եք ստեղծում և մեծացնում եք նպատակի համար կենտրոնացվածությունը  և էներգիան:

5.Գրառեք Ձեր նպատակը: Գրեք ձեր նպատակը մեծ տառերով: Մի քանի բառ ավելի երկար գրեք և փակցրեք պատին կամ սառնարանին: Փակցրեք տանը կամ աշխատանքի վայրում, փակցրեք աշխատասեղանի վրա: Ձեզ պետք են մեծ հիշեցումներ՝ նպատակի մասին կենտրոնացվածությունը և ոգևորությունը պահպանելու համար: Ձեր նպատակի նկարը նույնպես կօգնի:

6.Պարտավորվեք հրապարակայնորեն: Մեզանից ոչ ոք չի ցանկանում վատը երևալ մյուսների առջև: Մենք հավելյալ ճանապարհ կանցնենք, որպեսզի անենք այն, ինչ ասել ենք հրապարակայնորեն: Օրինակ, երբ առաջին անգամ ցանկանում էի վազքի մարաթոնին մասնակցել, ես սկսեցի իմ տեղական օրաթերթի մի սյունակը դրա մասին գրել: Գուամի ամբողջ կղզին (160 հազարանոց բնակչությամբ) գիտեր իմ նպատակի մասին: Ես չէի կարող հանձնվել և նույնիսկ իմ մոտիվացիան տատանվում էր, բայց ես չհանձնվեցի և արեցի դա: Հիմա դուք կարող եք չպարտավորվել ձեր նպատակի մասին ձեր օրաթերթում, բայց կարող եք ասել դա ձեր ընկերներին, ընտանիքին կամ աշխատակցին, կամ կարող եք հրապարակել ձեր բլոգում, եթե ունեք: Մեկ անգամով մի բավարարվեք, այլ արեք այնպես, որ գործընթացի վերաբերյալ թարմացումները լինեն ամեն շաբաթ կամ ավելի հաճախ:

7.Մտածեք դրա մասին ամեն օր: Եթե դուք ձեր նպատակի մասին ամեն օր մտածեք, այն կսկսի ավելի իրական թվալ: Սրան նպատակի մասին գրությունը պատին կամ աշխատասեղանին փակցնելը  (ինչպես նշված է վերևում) հավելելը շատ է օգնում: Ինքներդ  ձեզ ամեն օր հիշեցումներ ուղարկելը նույնպես օգնում է, և եթե ամեն օր թեկուզ 5 րոպե կարողանաք մի փոքր բան անել նպատակի համար, ձեր նպատակը գրեթե կիրականանա:

8.Աջակցություն ստացեք:  Շատ բարդ է միայնակ որևէ բան անելը: Երբ ես որոշեցի մասնակցել վազքի մարաթոնին, ունեի ընկերներիս և ընտանիքիս աջակցությունը և ունեի հրաշալի վազող համայնք Գուամում, որը ոգևորում էր ինձ 5 հազար կիլոմետր և վազում էր ինձ հետ: Գտեք ձեր աջակցությունը իրական կյանքում կամ համացանցում, կամ երկուսն էլ:

9. Գիտակցեք, որ կա մակընթացություն և տեղատվություն: Մոտիվացիան հաստատուն մի բան չէ, որ միշտ ձեզ հետ լինի: Այն անընդհատ գալիս, գնում է, ինչպես մակընթացությունն ու տեղատվությունը: Հասկացեք, որ եթե մոտիվացիա չկա, դա վերջնական չէ: Այն կվերադառնա: Միևնույն ժամանակ, կարդացեք ձեր նպատակի մասին , օգնություն խնդրեք, կամ արեք այստեղ նշված քայլերը՝ ձեր մոտիվացիան վերադարձնելու համար:

10.Կառչեք դրանից։ Ինչ էլ որ անեք, մի հանձնվեք: Նույնիսկ եթե մոտիվացիա չեք զգում այսօր, այս շաբաթ, մի հանձնվեք: Նորից այդ մոտիվացիան կվերադառնա:  Ձեր նպատակը նմանեցրեք մի երկար ճանապարհորդության, և այդ ճգնաժամը՝ ընդամենը մի խոչընդոտի: Դուք չեք կարող հանձնվել ամեն փոքր խոչընդոտից: Մնացեք նրա հետ երկար ժամանակ, հոսանքի հետ լողացեք և կհասնեք հաջողության:

11.Փոքր հաջողությունների վրա հիմնվեք: Նորից, եթե դուք սկսեք քչից շաբաթվա համար, հաջողության կհասնեք: Չեք ձախողի, եթե ինչ-որ խելքից դուրս հեշտ բան սկսեք: Ո՞վ չի կարող երկու րոպե վարժություն անել (եթե՝ դուք, ապա ներողություն եմ խնդրում): Եվ դուք հաղթանակած կլինեք: Վերցրեք այդ փոքր հաջողության զգացողությունը և հիմնվեք դրա վրա: Օրինակ՝ ավելացրեք 2-3 րոպե ձեր ամենօրյա վարժությանը: Ամեն քայլից հետո (ամեն քայլը պետք է տևի մոտ մեկ շաբաթ) դուք ձեզ ավելի հաջողակ կզգաք: Ամեն քայլն արեք շատ, շատ փոքր և չեք ձախողի: Մի քանի ամսից ձեր աննշան քայլերը կավելացնեն առաջընթացը և կտանեն հաջողության:

12.Մտածեք օգուտների մասին, այլ ոչ թե դժվարությունների: Շատ հաճախ հանդիպող սխալ է, երբ մենք մտածում ենք, թե որքան բարդ է ինչ-որ բան: Վարժությունն այնքան բարդ է թվում: ընդամենը մտածելը դրա մասին արդեն հոգնեցնում է: Սակայն փոխանակ մտածեք, թե որքան հոգնեցնող է վարժությունը, կենտրոնացեք նրա վրա, թե ինչքան լավ կզգաք ձեզ, երբ ավարտեք և ինքան առողջ  ու նրբակազմ կդառնաք երկարատև վազքից հետո: Ինչ-որ բանի օգուտները էներգիա կհաղորդեն:

13. Լռեցրեք բացասական մտքերը։ Փոխարինեք դրանք դրականներով: Այս տողերի հետ մեկտեղ, շատ կարևոր է սկսել դիտարկել մտքերը: Ճանաչեք բացասական ինքնազրույցը, որը առաջացնում է հենց ձեր ճգնաժամը: Ուղղակի անցկացրեք մի քանի օր՝ տեղեկանալով ամեն բացասական մտքի մասին: Հետո՝ մի քանի օր անց, փորձեք տրորել այդ բացասական մտքերը, ինչպես մի որդի, և հետո փոխարինեք դրանք համապատասխան դրական մտքերով: Տրորեք, «Սա շատ բարդ է»-ն և փոխարինեք այն «Ես կարող եմ դա անել: Եթե այն տխմար Լեոն կարող է, ապա ես էլ կարող եմ»-ով: Սա կարող է անհեթեթ թվալ, բայց իրոք գործում է:

Ապագան գուշակելու լավագույն միջոցը այն կերտելն է (Պետր Դրյուքեր):

Աղբյուրը

Փոխադրեց Տիգրան Աբրահամյանը, 11-րդ դասարան

Խորհրդատու՝ Իրինա Ապոյան