- Ես չեմ վախենում մահանալուց: Ես ուղղակի չեմ ուզում դրան ներկա լինել: Վուդի Ալեն
- Այո, մարդը մահկանացու է, սակայն դա խնդրի մի մասն է միայն: Վատն այն է, որ նա երբեմն հանկարծակի մահկանացու է: Միխաիլ Բուլգակով
- Թաղման ժամանակ բոլորին ամենաշատը հանգուցյալն է խանգարում, բայց առանց նրա էլ գործը բարդանում է: Արկադի Դավիդովիչ
- Հենց այսօր մեռնելը սարսափելի է, իսկ «օրերից մի օր»-ը` ոչինչ: Վլադիմիր Դալ
- Այս լույս աշխարհից մյուսը գնալիս չմոռանաս լույսն անջատել: Վիկտոր Կովալ
- Միայն հանգուցյալները կարող են մահվան մասին խոսել բանիմացաբար: Լեշեկ Կումոռ
- Մահը կյանքի վերջում է միայն նրա համար, որ ավելի հարմար լինի պատրաստություն տեսնելը: Կոզմա Պուտկով
- Մի մարդու մահը մահ է, միլիոնավոր մարդկանց մահը` վիճակագրություն: Էրիխ Մարիա Ռեմարկ
- Մահը իհարկե մեծ դժբախտություն է, բայց այնուամենայնիվ ոչ այնքան, եթե համեմատելու լինենք անմահության հետ: Թոմ Սթոպպարդ
- Վերջիվերջո, ի՞նչ է մահը: Մահը, թանկագի՛ն ընկերներ, ամենահետաքրքիր փորձությունն է, որ հանդիպում է մեզ կյանքում: Արկադի Ստրուգատսկի Հետաքրքրական է, որ նմանատիպ բան հանդիպել է նաև Ռոուլիգի “Հարրի Փոթթերի” մասին գրքում:
- Այն մարդու բախտն է բերում, ով հաջողում է այս աշխարհից կենդանի գնալ: Ուիլյամ Կլոդ Ֆիլբզ
- Մարդը մահանում է այն ժամանակ, երբ դադարում է փոխվելուց, իսկ թաղման արարողությունը ընդամենը ծես է: Հենրի Ֆորդ
- Մարդը մեռնում է միայն մեկ անգամ: Իսկ եթե շուտ է մեռել, ուրեմն մի քիչ ավելի երկար է մեռած մնալու: Այսքան բան: Մարիուշ Շիգել
- Մահը մեն ու մենակ վատ դաստիարակության արդյունք է: Ումբերտո Էկո
- Մահվանը պատրաստ լինելը բարեկրթություն է: Վալերիա Նովոդվորսկայա
- Ես սովորել եմ մահվանը վերաբերվել ինչպես հին պարտքի, որը վաղ թե ուշ պետք է վերադարձնել: Ալբերտ Էյնշտեյն
- Մահը կյանքը դարձնում է ճակատագիր։ Անդրե Մորուա
- Ես չէի ցանկանա հանկարծամահ լինել: Դա նույնն է, ինչ հեռանալը ռեստորանից առանց վճարելու: Իննոկենտիյ Աննենսկի
- Իմ մահվան մասին լուրերը խիստ չափազանցված են: Շատ էլ լավ գիտեք՝ սա ով է ասել:
- Եթե դուք չգնաք մարդկանց թաղումներին, նրանք էլ ձերին չեն գա: Կլարենս Դեյ
- Անմահության մասին երազում են միլիոնավոր մարդիկ, հենց նույն մարդիկ, ովքեր տառապում են մտքից, թե ինչով զբաղվեն աձրևոտ կիրակի երեկոյին: Սյուզե Էրց
- Եթե հավատանք սոցիոլոգներին, մարդու ամենամեծ վախը հրապարակային ելույթ ունենալն է: Դրան հաջորդողը մահվան վախն է: Այստեղից հետևություն, որ եթե մասնակցում ես թաղման արարողությանը, ավելի լավ է դագաղի մեջ պառկած լինես, քան խոսես դրա կողքին կանգնած: Ջերրի Սայնֆիլդ
- Ոչ ոք չգիտի, թե մարդը երբ պիտի մեռներ: Ուրեմն ինչո՞ւ են ասում «Նա կյանքց վաղաժամ հեռացավ»: Ջորջ Կառլին
- Հորեղբայրս եզակի բանսարկու էր: Նա նույնիսկ իր տապանաքարի վրա գրել է. «Ի՞նչ ես աչքերդ չռել»: Մարգարետ Սմիտ
- Մահվան աշակերտ - Տատիկս ասում էր, որ մահը քնելու նման մի բան է:Մահ – Այս թեմայով ոչինչ ասել չեմ կարող.ո՛չ մեկն եմ փորձել, ո՛չ մյուսը: Տերրի Պռաչետտ։
Թարգմանությունը՝ Դիանա Տատինցյանի
0 մեկնաբանություն:
Post a Comment