Copyright © Թարգմանի'ր
Design by Dzignine

«Եթե մի բան ուզում ես լավ հասկանալ, թարգմանիր». Բերնարդ Շոու

Հետաքրքիր նյութեր CSS Drop Down Menu by PureCSSMenu.com
Saturday, February 27, 2016

Ալեքանդր Շիրվինդ. Ծեր օրերին ոչինչ փոխել պետք չէ

Մեր տարիքում (75 և ավելի) ոչինչ պետք չէ փոխել և ոչնչից պետք չէ հրաժարվել։ Ես շատ  եմ փորձել ծխելուց հրաժարվել, բայց դա ոչմի լավ բանի չի բերել։ Նորից վերադառնում էի այդ արատավոր սովորությանը, մինչև որդիս, որին ես լսում եմ և որից վախենում եմ, ասաց՝ վերջ, հերիք է։

Իսկ հետո ինձ խորհուրդ տվեցին այցելել մի հրաշալի ակադեմիկոսի՝ զգուշացնելով, որ նա ոչ ոքի չի ընդունում, բայց ինձ ինչ-որ տեղից գիտի և պատրաստ է զրուցելու։ Ես հավաքեցի մեզի անալիզի շարադրանքի լիակատար ժողովածուն և գնացի Էնտուզիաստների խճուղու ծայրին գտնվող ինչ-որ տեղ։
Առանձնատուն, լռություն, անցնում են գեղեցիկ, ծուռոտանի կանայք՝ պլաստմասսայե խալաթներով։ Գորգեր, հսկայական աշխատասենյակ, պատերին՝ պատվոգրեր Նապոլեոնից, Պյոտր Առաջինից, Նավուխոդոնոսորից։ Եվ ոսկեգույն ակնոցով նստած է ակադեմիկոսը։
 -Քանի՞ տարեկան եք, -ասում է։
 -Շուտով, -ասում եմ,- չորս հարյուր կլինեմ։
 -Նշանակում է՝ մենք հասակակիցներ ենք։ Ես մի տարի փոքր եմ Ձեզնից։
Հենց տեսավ անալիզների թղթապանակը, թափահարեց ձեռքը.
 -Խնդրում եմ, հավաքեք, դա ինձ արդեն դուր է եկել։ - Փաթեթին չնայեց էլ։
 -Ի՞նչ խնդիր ունեք։
-Առաջին հերթին,-ասում եմ,- առավոտյան ծնկներս ցավում են։
 -Իմն էլ՝ հակառակը՝ երեկոյան Իսկ ուրի՞շ։
-Շնչարգելություն։
 -Դե դա նորմալ է։
 -Սկսել եմ շուտ հոգնել։
 -Ճիշտ է, ես էլ։ Դե, մեր տարիքում այդպես էլ պետք է լինի։
 Եվ ես հանգստացա։ Եթե բժշկագիտության ակադեմիկոսն էլ է իրեն այնպես զգում, ինչպես ես, ուրեմն էլ ի՞նչ ասես։ Վերջում  ասացի, որ հրաժարվելեմ ծխելուց։ Նա ոսկեգույն ակնոցի մեջից նայեց ինձ։
-Սիրելի՛ս, ինչի՞ համար։ Մեր տարիքում ոչինչ պետք չէ փոխել, և ոչնչից պետք չէ հրաժարվել կապրենք-կվերջացնենք՝ ինչպես կանք:

Ես համբուրեցի նրա պատվոգրերը։ Հանճա՜ր է։ Բա որ սկսեր իմ մեզի անալիզները կարդալ

Թարգմանությունը՝ Բելլա Մարտիրոսյանի

0 մեկնաբանություն:

Post a Comment