Սպանել են ռուս ընդդիմադիր գործիչ Բորիս Նեմցովին

Ռուսաստանի ընդդիմադիր գործիչ, նախկին փոխվարչապետ Բորիս Նեմցովը սպանվել է Մոսկվայում,-հաղորդում են ռուս պաշտոնյաները:

Անհայտ մի անձ մեքենայից չորս անգամ կրակել է Նեմցովի վրա, երբ նա անցնում էր Կրեմլի մոտի կամրջով,-ասում են ոստիկանները:

Նա մեռավ ժամեր անց այն բանից հետո, երբ քննադատեց Ուկրաինայի դեմ պատերազմին աջակցության համար Կիրակի օրվա երթը։

Կրեմլը հաղորդում է, որ Ռուսաստանի նախագահ Վլադիմիր Պուտինը դատապարտել է սպանությունը: Նրա մամուլի խոսնակ Դմիտրի Պեսկով ասում է, որ նախագահ Պուտինն իր «անձնական վերահսկողությունն» է սահմանել սպանության հետաքննությունն իրականացնելու համար։

 «Այն իր վրա «կրում է» պատվիրված սպանության պիտակ»,-ավելացրեց Պեսկովը:

ԱՄՆ նախագահ Բարաք Օբաման դատապարտել է դաժան սպանությունը և կոչ է արել ռուսական կառավարությանը անցկացնել արագ, անաչառ և թափանցիկ հետաքննություն:

Եվրոպայի խորհրդի գլխավոր քարտուղար Թորբյորն Յագլանդը դատապարտել է սպանությունը՝ Twitter-ում գրելով. «Ես ցնցված եմ, որ ընդդիմության առաջնորդ Բորիս Նեմցովը սպանվել է: Սպանողները պետք է պատասխանատվության ենթարկվեն»:

Վերջերս տված հարցազրույցում Նեմցովն ասել էր, որ ինքը վախենում է՝ Պուտինը սպանի իրեն, քանի որ ինքը դեմ է Ուկրաինայի պատերազմին:

55-ամյա Նեմցովը 1990-ականներին նախագահ Բորիս Ելցինի կառավարության ժամանակ ծառայել է որպես առաջին փոխվարչապետ:

Նա տնտեական բարեփոխիչի համբավ էր ձեռք բերել, երբ կառավարում էր Ռուսաստանի մեծագույն քաղաքներից մեկում՝ Նիժնի Նովգորոդում:

Ելցինի իրավահաջորդ Պուտինի՝ նրան դուրս հանելու պատճառով այս մտավորականը դարձավ բացահայտ ընդդիմադիր գործիչ:

Վերլուծություն. Սառա Ռեինսֆորդ, BBC-ի Մոսկվայի թղթակից:

Նեմցովի փաստաբանը հաղորդում է, որ վերջին ամիսներին սոցիալական ցանցերով նա ստացել էր մահվան սպառնալիքներ, և հիմա միայն ենթադրություններ կան, թե ինչու էր նա նշանառության տակ: Նա ակնհայտ դեմ էր Ուկրաինայի հարցում Ռուսաստանի դերին և Ղրիմի բռնակցմանը Ռուսաստանին:

Նա արդեն ծրագրել էր կիրակի օրը կազմակերպել հազվադեպ հանդիպող հասարակական բողոք՝ դեմ լինելով վերոնշյալ երկու բաներին և երկրում աճող տնտեսական ճգնաժամին:

Նրա մահից հետո լրատվամիջոցները ողողված են հարգանքի հոդվածներով այն մարդու հանդեպ, ում ընկերները հիշում են որպես պարկեշտ, ազնիվ և ժողովրդավար:

Նեմցովը սպանվել է ուրբաթ՝ մոտավորապես 23:40, երբ անցնում էր Մոսկվոերտսկի կամուրջը, նրանց ուղեկցում էր մի կին, -հայտարարել է Ռուսաստանի Ներքին գործերի նախարարությունը:

-         Նրան սպանել են ատրճանակով՝ սպիտակ մեքենայից, որը դեպքի վայրից փախել է,-Ռուսաստանի Ինտերֆաքս լրատվամիջոցին հաղորդել է ոստիկանությունը:

Ըստ ռուսալեզու լրատվական կայք Meduza-ի «մի քանի հոգի» մեքենայից դուրս են եկել և կրակել նրա վրա:

Նրա քաղաքական կոլեգաներից մեկը՝ համակուսակից Իլկա Յաշինը, հաստատել է, որ Նեմցովը մահացել է:

«Ցավոք, իմ դիմաց հիմա տեսնում եմ Նեմցովի դիակը»,-ասել է նա ռուսական Lenta.ru լրատվականին:

Սպանության վայրում գիշերը ծաղիկներ են դրվել:

Թարգմանությունը՝ Նարեկ Սահակյանի
Աղբյուրը՝ www.bbc.com