- Գոյություն ունի կյանքի երկու ուղի՝ իսկական մեծությամբ լի կյանք և կեղծ մեծության կյանք: Ճշմարիտ մեծությունն այն է, ինչ մարդն ինքն է իրեն պատկերացնում. նրա բնավորությունը, ամբողջականությունը, իրական դրդապատճառներն ու ցանկությունը: Կեղծ մեծությունը՝ ժողովրդականությունն է, կոչումները, դիրքը հասարակության մեջ, համբավը, բախտը և պատիվը:
- Մարդու կերպարը կարելի է համեմատել խոհարարական բաղադրատոմսի հետ՝ մի բաժակ ժառանգական հատկություններ, մի ճաշի գդալ շրջապատ, բախտի մի քանի պտղունց, բայց դուք ազատ եք որոշելու, թե ինչ պատրաստեք այս բաղադրիչներից:
- Արդյունավետությունը տարբերվում է արդյունքից. արդյունքը գործողության հետևանքն է, իսկ արդյունավետությունը` գործընթացը: Կարելի է շատ արդյունավետորեն բարձրանալ հաջողության սանդուղքը, բայց եթե սանդուղքը հենված է սխալ պատին, հետևանք չի լինի: Եթե շատ աշխատեք կեղծ առաջնահերթությունների վրա, արդյունքը կլինի նույնը:
- Շատերը շփոթում են հաջողությունը և կեղծ մեծարանքը: Նրանք կաշվից դուրս են գալիս, որպեսզի ստանան այն ամենը, ինչը կխոսի իրենց հաջողության մասին, բայց չեն ցանկանում խոստովանել իրենց այն, ինչ իրականում կան: Իրական հաջողությունը թանկ արժե, բայց նրանք չեն ցանկանում վճարել այս գինը, այդ պատճառով փնտրում են զարտուղի ճանապարհներ, որոնք թույլ կտան հաջողության հասնել առանց շատ աշխատանքի: Նրանք ստեղծում են կեղծ տպավորություն: Նրանք ձևանում են, թե ընկեր են:
- Ինձ համար ամբողջականությունը բնավորության երկու հիմնական գծերի զավակն է ՝ համեստության և համարձակության: Համեստությունը հասկանալն է, որ ամեն ինչ և միշտ ղեկավարում են սկզբունքները։ Համեստ մարդը երբեք չի ասի. «Աստեղ ես գլխավորը» կամ «Ես ինքս եմ որոշում իմ ճակատագիրը»: Նման գաղափարները, որոնք վերջին տասնամյակների ընթացքում լայն տարածում են գտել հաջողության հասնելու մասին գրքերում, միայն սոցիալական արժեքային համակարգի արդյունք են: Իսկ մեր սոցիալական արժեքները միշտ չէ, որ ապավինում են ժայռի պես ամուր սկզբունքներին. հաճախ դրանց հիմքում ընկած են էգոյի և տեսակետների սորուն ավազը։
- Հաջողության բանալին այն է, որ ամուր կառչեք ոչ սորուն սկզբունքներից և նույնիսկ կարճ ժամանակով չշեղվեք այլ կողմ: Եթե ձեր նպատակը անշեղ դեպի հյուսիս գնալն է, դուք հետևում եք կողմնացույցի սլաքին: Ցանկացած շեղում, և դուք արդեն թափառվում եք որ կողմն ասես, բայց ոչ դեպի հյուսիս: Այդպիսին է դաժան իրականությունը: Իրականությունը, ինչպես հաջողությունը, կառավարվում է նույն սկզբունքներով, և երբ դրանք խախտում եք, կրում եք դրանց հետևանքները:
- Շատերին, ովքեր կեղծ մեծություն ունեն, այսինքն` իրենց տաղանդների հանրային ճանաչում, պակասում է պարզապես ճշմարիտ մեծություն և դրական հատկություններ:
- Մարդկանց մեծ մասը, հիմնվելով իրենց հանրային «Ես» -ի վրա, փորձում են իրենց ազդեցությունը տարածել «դրսից ներս» սկզբունքով: սակայն բարձր արդյունավետությամբ մարդիկ, առաջնորդվելով իրենց խորին «ես»-ով, օգտագործում են «ներսից դուրս» մոտեցումը: Նա, ով կարողանում է ցույց տալ, թե ով է ինքն իրականում իր ներսի խորքում, ձեռք է բերում մարդկանց վստահությունը:
- Սուտ մեծության հետևից ընկնելը ոչինչ չի տալիս: Դուք չեք կարող կառուցել հաջող կյանք ավազի վրա, այնպես, ինչպես դուք չեք կարող կառուցել այն փառքի արտաքին ատրիբուտներից: Այն կարող է կառուցվել միայն ոչ սորուն սկզբունքների գրանիտի վրա:
- Բնավորությունը, կամ այն, ինչ մենք մեզանից ներկայացնում ենք, ի վերջո շատ ավելի կարևոր է, քան իրավասությունը կամ այն, ինչ մենք կարողանում ենք անել:
- Նպատակային մարդու ամբողջ ներքին աշխարհը չի տարբերվում արտաքին տեսքից: Նպատակային մարդը չունի գաղտնի մտքեր և թաքնված դրդապատճառներ: Նման մարդիկ ամբողջությամբ ներառել են ճիշտ սկզբունքների ողջ փաթեթը իրենց գոյության մեջ:
- Մարդը պետք է որոշի, թե որոնք են իր բարձրագույն գերակայություններիը և համարձակորեն` ժպտալով, հեշտությամբ, առանց որևէ մեկից ներողություն խնդրելու, ասել «ոչ» մնացած ամեն ինչին: Դա հնարավոր է անել՝ ամենակուլ և տաք «այո» պահելով իր մեջ: Ավելի հաճախ լավը լավագույնի թշնամին է:
- Դուք չեք կարող հասնել իսկական մեծության `անտեսելով ձեզ` ձեր առողջությունը, միտքը, ձեր հուզական և հոգևոր կյանքը: Այս կենսական կարևոր ոլորտներից յուրաքանչյուրին անհրաժեշտ է մշտական, ամենօրյա թարմացում: Ամեն օր, այս լծակի վրա թեթև կապ ունենալը կարող է դանդաղեցնել կամ կանխել ձեր անձնական էներգիայի աղետալի անկումը և նույնիսկ փրկել ձեր կյանքը:
- «Պառկելաթոռները վերադասավորել» նշանակում է երևացողը ներկայացնել որպես իրականություն, ավելի շատ մտահոգվել արտաքին տեսքի համար, քան ներքին բովանդակության և առաջնահերթություններին տիրապետել հակառակ կարգով: Սա այն է, ինչով մենք բոլորս զբաղվում ենք: Մենք ամեն ինչ թարս ու շուտակ ենք անում։
- Եթե ձեր վստահությունը կախված չէ այն բանից, թե ինչ են ուրիշները մտածում ձեր մասին, դուք հանգիստ համագործակցում եք մարդկանց հետ և գտնում եք լավագույն «շահեկան» լուծումները: Դուք համարձակորեն արտահայտում եք ձեր գաղափարները, քանի որ ձեր մտադրությունն է գտնել հնարավորինս լավ տարբերակը և ոչ թե պարգևատրվել հրաշալի գաղափարի համար:
Թարգմանությունը՝ Մելինե Ժամկոչյանի
0 մեկնաբանություն:
Post a Comment