Copyright © Թարգմանի'ր
Design by Dzignine

«Եթե մի բան ուզում ես լավ հասկանալ, թարգմանիր». Բերնարդ Շոու

Հետաքրքիր նյութեր CSS Drop Down Menu by PureCSSMenu.com
Monday, April 23, 2018

Ինչ կա-չկա


Օրենքները՝ մագաղաթի վրա

Ըստ ավանդույթի՝ բրիտանական օրենքները գրվում են բարակ մագաղաթի վրա, ինչը պատրաստվում է կենդանու կաշվից: Այժմ Լորդերի Պալատի անդամները տարակարծիք են՝ հետևել այս ավանդույթին, թե փնտրել ավելի մատչելի տարբերակ:
Խորհրդարանի պահպանողական անդամները, հիմնվելով նրա վրա, որ օրենքները կարևոր են և հզոր, պնդում են, որ դրանք պետք է գրանցվեն այս ձևով, որպեսզի հնարավորին չափ լավ պահպանվեն:

Չնայած նրան, որ 80 000 ֆունտ ստերինգը մեկ տարվա ընթացքում չափազանց մեծ գումար է թվում, մագաղաթ մատակարարող ընկերության մենեջերը պնդում է, որ երկարաժամկետ ծախսերը շատ քիչ են ստացվում: Ազատությունների մեծ խարտիան, որը կարևոր փաստաթուղթ է համարվում սկսած 1215թվից, մեկ դարի համար ընդամենը վեց ֆունտ է արժեցել: Ավելին, մագաղաթը կարող է ծառայել ավելի քան 5 000 տարի:

Թարգմանությունը՝ Արտակ Նշանյանի

Պրոֆեսոր Ստիվեն Հոքինգը 



Բրիտանացի հռչակավոր ֆիզիկոս. պրոֆեսոր Սթիվեն Հոքինգը մահացել է 76 տարեկան հասակում: Ծնվել է 1942 թվականին։ Նա Օքսֆորդի ֆիզիկայի ֆակուլտետը ավարտել է գերազանց և ստացել ֆիզիկոսի որակավորում, իսկ դիպլոմային հետազոտությունը տիեզերքի մասին կատարել Քեմբրիջի համալսարանում: Բժիշկները հայտնաբերել են  նրա մոտ  հենաշարժողական  նյարդային հազվագյուտ հիվանդություն, որի պատճառով անդամալույծ է դարձել: Դրանից հետո նրան  ընդամենը մի քանի տարվա կյանք տվեցին ապրելու: Չնայած հիվանդությանը՝ նա շարունակում էր ցնցող հայտնագործություններ անել՝ մասնավորապես ապացուցելով Էնշտեյնի  հարաբերականության տեսությունը, և այն, որ տիեզերքը առաջացել է մեծ պայթյունից և կվերջանա սև անցքերով: Նրա հրատարակած գիրքը՝ A Brief History of Time-ը ( Ժամանակի հակիրճ պատմությունը) վաճառվել է ավելի քան 10 միլիոն օրինակով: Ֆիզիկոսն իր կյանքի ընթացքում արժանացել է բազմաթիվ պատվոգրերի, սակայն հաղորդվել է, որ հրաժարվել է ասպետի կոչումից՝  գիտությանը կառավարության կողմից ոչ բավարար ֆինանսավորման պատճառով: Հոքինգը ամուսնացել է 1964 թվականին և ունեցել երեք երեխա: Նրա ընտանիքը ներկայացրել է նրան որպես բացառիկ մարդու, ում աշխատանքը և գիտական ժառանգությունը  երկար տարիներ մնալու են:

Թարգմանությունը՝ Դոնարա Թովմասյանի

Խորհրդատու՝ Իրինա Ապոյան

0 մեկնաբանություն:

Post a Comment