Ժակ Պրևեր

Ժակ Պրևերը ֆրանսիացի բանաստեղծ և սցենարիստ է: Ծնվել է 1900թվի փետրվարի 4-ին Նյոյի-սյուր-Սենում  և մահացել է 1977թ. ապրիլի 11-ին Օմոնվիլ լա-Պետիտում: Հեղինակին հաջողույթուն է բերել նրա բանաստեղծությունների առաջին ժողովածուն՝«Բառեր»  վերնագրով: Նա հայտնի է դառնում շնորհիվ իր բանաստեղծական պարզ լեզվի և բառախաղերի : Պրևերի բանաստեղծությունները հայտնի են  ֆրանկոֆոն երկրներում, հատկապես`Ֆրանսիայում և ֆրանսերեն դասագրքերում:  

Նա  նաև բազմաթիվ ասույթների հեղինակ է`

Կյանքը բալ է

մահը՝ կորիզ

սերը` բալենի:

Աղբյուրը`  http://www.babelio.com/auteur/Jacques-Prevert/3846

Նախաճաշ

Նա լցրեց սուրճը բաժակի մեջ

Նա լցրեց կաթը սուրճով բաժակի մեջ

 Նա լցրեց շաքարավազը կաթով սուրճի մեջ

Այնուհետև խառնեց փոքր գդալով

Նա խմեց կաթով սուրճը

և դրեց բաժակը`առանց  բառ ասելու:

Նա վառեց ծխախոտը և ծխով օղակներ արեց

Մոխիրը լցրեց մոխրամանի մեջ`

Առանց ինձ հետ խոսելու

Առանց վրաս նայելու

Նա վեր կացավ, դրեց գլխարկը,

Հագավ  իր անջրանցիկ վերարկուն, քանի որ անձրևում էր

և անձրևի տակ գնաց

Առանց մի խոսք ասելու

Առանց վրաս նայելու

Իսկ ես գլուխս առա ձեռքերիս մեջ

և արտասվեցի:

Ժակ Պրևեր

Ֆրանսերենից թարգմանեցին Մարիամ Գևորգյանը և Սյուսի Եղոյանը

Աղբյուրը`http://litgloss.buffalo.edu/prevert/text.shtml