Հինգ ակնհայտ նշան նրա, որ ձեր կյանքը շուտով կփոխվի

Միշտ չէ , որ ուրախանում ենք փոփոխություններից, բայց դրանք անխուսափելի են: Ու երբ մտածում ենք, որ մեր կյանքում քաոս է տիրում, նանից է, որ մեր շուրջն ամեն ինչ վերակառուցվում է, որպեսզի օգնի մեզ հասնելու մեր իրական նպատակներին և նվիրական ցանկություններին:

1. Փոփոխություններին պատրաստ լինելը

Դուք պատրա՞ստ եք փոփոխություններին: Եթե նույնիսկ մեկ վայրկյան մտածեցիք, ուրեմն համամիտ չեք այն կարծիքին, ըստ որի բոլոր փոփոխությունները լավ են։ Ուշացել եք ինքնաթիռի՞ց, բաժանվել եք ընկերոջի՞ց: Առաջին հայացքից դրանք խնդիր են, սակայն ո՞վ գիտե, միգուցե ուշացումը ձեզ փրկել է ինչ-որ փորձանքից, իսկ բաժանումն այդ մարդուց ճանապարհ է բացում նրա համար, ում տեղը զբաղված էր: Կարևորը՝ չվախենաք և հավատաք, որ ամեն ինչ կլինի այնպես, ինչպես որ պետք է:

2. Դուք սովորել եք բաց թողնել

Դուք առաջ տարիներով հիշում էիք ընկերուհու դավաճանությո՞ւնը, տնօրենի անարդարությունը և կյանքի ուղեկցի հետ իրական մտերմության պակա՞սը, գնացել եք հոգեբանի մո՞տ, վերահսկել եք վիրավորողի սոցիալական ցանցերը, վրեժխնդրության ծրագրեր եք մշակել և զուգահեռ նկատել եք, որ կանգնած եք տեղո՞ւմ: Իհարկե, քանի որ զայրույթը սև անցքի նման կուլ է տվել ձեր ամբողջ էներգիան: Խնայեք ձեզ, բաց թողեք մարդուն կամ իրավիճակը, որը ձեզ ցավ է պատճառել: Ուղղակի ապրեք առանց նայելու դրան: Հավատացեք, երբ դուք ձեզ համար ուժեր ազատեք, անպայման կկատարվի ինչ-որ ճիշտ ու կառուցողական մի բան, որը կպահանջի ձեր էներգետիկ ռեսուրսները:

3. Դուք ազատվել եք զոհի բարդությունից

Դուք դադարե՞լ եք խղճալ ինքներդ ձեզ: Դուք այլևս չե՞ք փորձում խղճահարություն առաջացնել մյուսների մոտ ցածր աշխատավարձի և դժվար մանկության մասին պատմություններով: Ճիշտ է. աշխարհին ուղարկում էիք այն, ինչը հետո ամուր կպչում էր ձեզ որպես դիմակ: Հպարտությունը, արժանապատվությունը, ինքնավստահությունը ձեր իմիջի լավագույն շապիկն են: Չէ՞ որ բոլոր ուսմունքների պարզ ճշմարտությունը հավասարակշռության մասին հնչում է այսպես. դու ստանում ես այն, ինչ ուղարկում ես աշխարհ:

4. Դուք սկսել եք վստահել աշխարհին

Վստահությունը միամտություն ու հիմարությո՞ւն է: Բոլորովին էլ՝ ոչ: Միայն այն մարդը, ով բաց է, հանգիստ ու չի սպասում կեղտոտ հնարքի, կարող է իսկապես վայելել կյանքը: Եթե անընդհատ սպասում եք, որ կխաբվեք հերթական մարդուց , ապա այդպես էլ կլինի , և ապագա փեսացուն ձեզ հետ շփվելիս հաճույք չի զգա, քանի որ դուք տիեզերք եք ուղարկում տեղեկատվություն, որ վախենում եք: Փորձեք դադարել բացասականին սպասելուց, ու կյանքը անմիջապես կխաղա այլ գույներով:

5. Դուք հաղթել եք վախերը

Վախը իռացիոնալ զգացում է: Դրա դրսևորումներից են ֆոբիաները` հիվանդագին վիճակներ, որոնք կապ չունեն իրական իրավիճակների հետ: Վախենում եք ինքնաթիռով թռչելո՞ւց, չնայած գիտեք, որ ինքնաթիռի վթարի հետևանքով մեռնելու հավանականությունն աննշան է: Խուճապի եք մատնվում հանրային ելույթների մասին մտքի՞ց անգամ: Միշտ վախենում եք, որ աշխատանքից կազատե՞ն ձեզ: Բայց չէ՞ որ իրականում այդպիսի վախերից մեծ մասի համար հիմք չկա: Փորձեք վատագույնը պատկերացնել. ի՞նչ կլինի ամենավատի դեպքում: Իրո՞ք դա այդքան ահավոր է: Իսկ այժմ փորձեք գիտակցել, որ անհանգստության պատճառներն այնքան էլ շատ չեն, իսկ կյանքի որակը փչացնելը մշտական անհանգստություններով ամենաանիմաստ բանն է:

Բնագիրը

Թարգմանությունը՝ Սաբինա Դավթյանի