Վեց ամենահայտնի համաժամանակյա թարգմանիչները

Համաժամանակյա թարգմանիչները շատ կարևոր դեր ունեն միջազգային հարաբերություններից մինչև ժամանցի ոլորտները: Սա հաշվի առնելով՝ զարմանալի չէ, որ շատ թարգմանիչներ աշխարհահռչակ են դարձել: Ստորև կծանոթանաք բոլոր ժամանակների ամենաճանաչված և կարևորագույն թարգմանիչների հետ:

1.Սակագավեա- Լուիսի և Քլարկի արշավախմբի թարգմանիչը
Սակագավեան չափազանց հայտնի թարգմանիչ է եղել, նա կարևոր դեր է խաղացել ԱՄՆ պատմության մեջ:

Նա ամուսնացած էր Տուսեն Շարբոնոյի հետ, ով որսորդ/թարգմանիչ էր Կվեբեկում: Այս զույգը, շնորհիվ Սակագավեայի՝ շոշոնական լեզվին տիրապետելուն, ընտրվել էր մասնակցելու 1804թ.-ի Լուիսի և Քլարկի արշավին: Սակագավեայի ներկայությունը արշավի ժամանակ ոչ միայն օգնեց, որ խումբը բանակցի շոշոնական ցեղերի հետ, այլ նաև, որ ճամփորդությունը խաղաղ անցնի: Նա բույսերի շատ լավ գիտակ էր և հետազոտողներին օգնում էր կողմնորոշվելու, թե որ բույսն է ուտելի:
Բացի այդ, քանի որ արշավախմբի հետ կային կին և նորածին երեխա, բնիկ ամերիկացիների համար նշան էր, որ Լուիսն ու Քլարկը խաղաղությամբ են եկել, քանի որ թույլատրված չէր կանանց և երեխաների մասնակցությունը պատերազմներին:

2. Ջեք Ջեյսոն- դերասանուհի Մարլի Մետլինի թարգմանիչը

Ջեք Ջեյսոնը հայտնի է նրանով, որ ավելի քան 25 տարի եղել է խուլ դերասանուհի Մարլի Մետլինի ժեստերի լեզվի թարգմանիչը: Այդ աշխատանքը բնական էր նրա համար, քանի որ նրա երկու ծնողներն էլ խուլ էին, և նա մեծացել էր նրանց հետ ժեստերի լեզվով խոսելով: Այնուամենայնիվ, մինչ դա իր կարիերան դարձնելը, նա մի քանի թարգմանչական վերապատրաստման դասընթացների է մասնակցել և ստացել վկայական:
Քոլեջից հետո առաջին անգամ նա աշխատել է որպես թարգմանությունների համակարգող, այնուհետև աշխատանքի անցել որպես թատերական բեմադրությունների թարգմանիչ:
Նա դարձավ Մարլիի թարգմանիչը, երբ Ուիլլիամ Հերթը ցանկանում էր դերասանուհուն հանդիպման հրավիրել և թարգմանչի կարիք ուներ: Այսօր նա հայտնի է որպես մի նշանավոր դերասանի թարգմանիչ և բիզնեսմեն:

3. Ջերրի Փոթս-  որսորդ, հնդկացի ռազմիկ և թարգմանիչ 1800-ականներին

Ջերրի Փոթսը ծնվել է 1840 թվին Մոնտանայում: Վաղ տարիքում նա հայտնի էր որսորդության, առևտրի և բնիկ ամերիկյան ցեղերի միջև կատաղի մարտերին մասնակցելու համար:
Նա նաև հայտնի էր իր՝ բնիկ ամերիկացիների մի շարք տարբեր լեզուներով խոսելու կարողությամբ, որն էլ դարձրեց նրան մեծ թարգմանիչ: Նա կարողանում էր խոսել Բլեքֆութ, Քրոու, Լակոտա-Սյու, Փլեյնս Կրի, Ալգոնկվին, Ասսինիբոայն, և իհարկե ամերիկյան անգլերենով:

Նա ոչ միայն շատ լավ տիրապետում էր այդ լեզուներին, այլև ուներ գերբնական կարողություն անհրաժեշտության դեպքում համապատասխանաբար փոխելու իր թարգմանությունները, քանի որ թարգմանության ժամանակ նա հաշվի էր առնում ցեղերի տարբեր մշակույթները:

4. Վալենտին Բերեժկով- Իոսիֆ Ստալինի թարգմանիչը

Այս ռուս հայտնի թարգմանիչը մասնակցում էր պատմության հայտնի դեմքերի խոշորագույն կոնֆերանսներին: Օրինակ՝ 1943թ. Թեհրանի համաժողովի ժամանակ նա աշխատում էր որպես թարգմանիչ Վյաչեսլավ Մոլոտովի և Իոսիֆ Ստալինի համար, ինչպես նաև Ուինսթոն Չերչիլի և Ֆրանկլին Դ. Ռուզվելտի համար: Այնուհետև նա շարունակեց իր կարիերան 1945թ. Յալթայի համաժողովի ժամանակ՝ որպես գլխավոր թարգմանիչ:

Հետո նա թարգմանությունից անցում կատարեց լրագրության, ապա նաև միջազգային հարաբերությունների ոլորտ: Նա նաև եղել է Խորհրդային Միության դեսպանատան աշխատակից: 1990-ականներին որպես Ստալինի թարգմանիչ իր փորձառության մասին մի գիրք հրապարակեց և ընդամենը մի քանի տարի անց՝ 1998թվին նա մահացավ:

5. Լիդիա Կալլիս- Մայքլ Բլումբերգի ժեստերի լեզվի թարգմանիչը

Լիդիա Կալլիսը հռչակ ձեռք բերեց 2012թվին՝ մի գիշերվա ընթացքում: Այն ժամանակ, երբ մարդիկ դիտում էին Նյու Յորքի քաղաքապետ Մայքլ Բլումբերգի հեռուստատեսային ասուլիսները, նրանք նկատեցին ճիշտ նրա կողքին կանգնած Լիդիային, ով խուլ հանդիսատեսի համար թարգմանում էր Մայքլ Բլումբերգի խոսքը:  Նույնիսկ այն մարդիկ, ովքեր չէին օգտագործում ժեստերի լեզուն, չէին կարողանում կտրել իրենց հայացքները նրա դեմքի աշխույժ արտահայտություններից: “Saturday Night Live” հաղորդման ընթացքում պրոֆեսիոնալ թարգմանիչը շուտով հավաքեց իր սեփական երկրպագուների բանակը:  Այժմ նա բավականին հայտնի է:

6.   Թամսանկա Ջենտջի – Նելսոն Մանդելայի հիշատակին նվիրված երեկոյի թարգմանիչ

Թամսանկա Ջենտջին հայտնի է իր ամոթաբեր ելույթով Հարավային Աֆրիկայում, Նելսոն Մանդելայի հիշատակի երեկոյի ժամանակ, որը զայրույթ առաջացրեց ամբողջ աշխարհում: Հարավաֆրիկյան ժեստերի լեզվի թարգմանիչը բազմաթիվ հեռուստադիտողների կողմից կոչվեց «կեղծ»՝ իր կրկնվող ձեռքի շարժումների և դեմքի արտահայտության բացակայության պատճառով: Թե՛ Հարավային Աֆրիկայի կառավարությունը, թե՛ Ջենտջին ներողություն խնդրեցին այդ տարօրինակ թարգմանության համար: Սակայն ԶԼՄ-ների՝ Ջենտջիի առաջացրած կատաղությունը ունեցավ մեկ դրական արդյունք՝ դա օգնեց մարդկանց գնահատելու որակյալ և պրոֆեսիոնալ թարգմանիչների հմտությունները: 

Թարգմանությունը՝ Նելլի Հարությունյանի

Աղբյուրը՝ alsintl.com