Մարդկային հարաբերությունները իրազեկված լինելու ամենաարդյունավետ մեթոդներից են: Հարաբերությունների հայելու միջոցով՝ բոլոր հարաբերությունների՝ առանց բացառության, մենք կարող ենք մտնել գիտակցության ընդլայնված վիճակ: Մենք արտացոլում ենք միմյանց և պետք է սովորենք մեզ տեսնել ուրիշների մեջ: Սա կոչվում է հարաբերությունների հայելի: Այդպիսի հայելու մեջ ես կարող եմ զանազանել իմ հոգևոր էությունը։ Նայելով շուրջս՝ տեսնում եմ իմ արտացոլանքը:
Հարաբերությունները հոգևոր զարգացման գործիք են, իսկ միասնական գիտակցությունը նրանց վերջնական նպատակն է: Մենք բոլորս համընդհանուր գիտակցության անբաժան մասն ենք, բայց իրական բեկումը տեղի է ունենում այն ժամանակ, երբ սկսում ենք նկատել առօրյա կյանքում մեր միջև գոյություն ունեցող կապը:
Նրանք, ում մենք սիրում ենք, և նրանք, ում ատում ենք, բոլորը մեր հայելիներն են: Ո՞ւմ ենք սիրում: Նրանց, ում դիմագծերը նման են մերին։ Մենք ցանկանում ենք ավելի մտերիմ լինել նման մարդկանց հետ, քանի որ զգում ենք, որ նրանց ընկերակցությամբ այդ գծերն էլ ավելի հստակ կհայտնվեն։ Բայց մենք իրականում չենք սիրում մարդկանց, որոնց բնավորությունը մեզ հիշեցնում է մեր այն հատկությունները, որոնք մենք ջանասիրաբար զսպում ենք մեր մեջ: Այսպիսով, եթե ինչ-որ մեկը ձեր մեջ մշտական հակակրանք է առաջացնում, իմացեք, որ այդ մարդը ձեզ հետ ընդհանուր բան ունի, բայց դուք իսկապես չեք սիրում այս «ինչ-որ բանը»: Եթե դուք պատրաստ լինեք ընդունելու այդ հատկանիշը, նրանք կդադարի ձեզ նյարդայնացնել:
Երբ բռնում եք ինքներդ ձեզ մտածելիս, որ ձեզ դուր է գալիս ինչ-որ մեկը, որոշեք, թե կոնկրետ ինչն է ձեզ դուր եկել այս մարդու մեջ: Գեղեցկությո՞ւնը, շնո՞րհքը, նրբագեղությո՞ւնը, ազդեցիկությո՞ւնը, ո՞ւժը, խելացիությո՞ւնը: Ամեն դեպքում, իմացեք՝ նշված որակը ձեզ էլ է բնորոշ։ Մի՜ հրաժարվեք դրանից, և գուցե ձեր կյանքն ավելի հագեցած կդառնա:
Նույնը վերաբերում է նրանց, ովքեր ձեզ չեն սիրում: Երբ դուք շփվում եք ձեր իսկական «ես»-ի հետ, դուք պետք է հասկանաք և ընդունեք ձեր բնավորության ոչ լավագույն գծերը: Հակադրությունների համակեցությունը Տիեզերքի հիմքն է։
Եթե ձեր ներսում ինչ-որ տեղ խորը թաքնված վախկոտ չունենաք, դուք երբեք խիզախ չեք լինի: Եվ չես կարող առատաձեռն լինել, եթե մեջդ նստած չէ ժլատը: Մարդը կարող է առաքինի լինել միայն այն դեպքում, եթե նրա մեջ առաքինության հետ մեկտեղ գոյություն ունի դրա հակառակը։
No comments:
Post a Comment