Ֆրանսիական պոեզիա

Երբ կյանքը մի մանյակ է...

Երբ կյանքը մանյակ է
Ամեն օրը մարգարիտ է
Երբ կյանքը վանդակ է
Ամեն օրն արցունք է
Երբ կյանքն անտառ է
Ամեն օրը ճյուղ է
Երբ կյանքը ճյուղ է
Ամեն օրը տերև է
Երբ կյանքը ծով է
Ամեն օրը ալիք է
Ամեն ալիք բողոք է,
Երգ, ոգևորություն է…

Ժակ Պրևեր 

Մի մարդ թիավարել է Կանադայից մինչև Ավստրալիա

Մի բրիտանացի 209 օրում թիավարելով Կանադայից հասել է Ավստրալիա՝ այդպիսով դառնալով առաջին մարդը, որ դա արել է մենակ: Ամեն օր նա թիավարել է 15 ժամ՝ կտրելու համար 14,500 կիլոմետր:

Իններորդ մոլորակը

Գիտնականները բացահայտել են մի  շատ  հետաքրքրաշարժ  իրողություն. հնարավոր է՝ Արեգակնային համակարգը ևս մեկ մոլորակ ունի, ինչպես նախկինում ենթադրում էին: Դատելով ըստ հետազոտությունների արդյունքների՝ այն 10 անգամ ավելի մեծ է, քան Երկիրը և կարող է լինել 9-րդ մոլորակը:

Ֆանատիզմ և առողջ կրոնասիրություն, ո՞րն է սահմանը

(հատվածներ  հոգեբան-կոնսուլտանտ Նատալյա Ինինայի՝ ֆանատիզմի վերաբերյալ վերլուծական հոդվածից)

Կրոնական ֆանատիզմ և իրական հավատ

Սկսենք ֆանատիզմից: Հիշեցնեմ, որ մեր նախնիները ֆանատիկ են անվանել հեթանոսական քրմերին, ովքեր տրանսի մեջ էին մտնում՝ ապագան գուշակելու համար: Այդ ժամանակ մարդիկ կարծում էին, թե այդ անձանց միջոցով աստվածներն են խոսում իրենց հետ: XVII դարի կաթոլիկ եպիսկոպոս Ժակ Բոսյուեն, հիմք ընդունելով անմիջական կապը հոգեկան աշխարհի հետ, բողոքականներին, ովքեր նախընտրում էին անմիջական՝ առանց միջնորդների շփումը Աստծո հետ, անվանել է ֆանատիկներ: XVIII դարի վերջում լույս տեսած «Ֆրանսիական բառարանում» Վոլտերը սկզբունքորեն նոր սահմանում է տալիս «ֆանատիզմ» հասկացողությանը. «Նրան, ում հատուկ են էքստազները և տեսիլքները, ով իր երազները ընդունում է որպես իրականություն և իր երևակայության պտուղները՝ որպես մարգարեություն, կարելի է անվանել էնտուզիաստ, իսկ նրան, ով սպանելով է պաշտպանում իր խելագար մտքերը՝ ֆանատիկ»:

Լեգո-տոնածառը

Շնորհավոր Աղյուսաշենը: Սա մի սովորական տոնածառ չէ, սա 8 մետրանոց տոնածառ է՝ պատրաստված լեգոյից: Մանկական բազմաթիվ զվարճալի սուրբծննդյան հիշողությունների մեջ ներառված է լեգոն, բայց այս ցուցադրությունը խաղալիքների դերը տոների մեջ նոր մակարդակի է հասցնում:

Կրոնական խորհրդանիշները արվեստում

Հատված փիլիսոփայական գիտությունների թեկնածու Կսենյա Կոլկունովայի «Религиозные символы в пространстве светского искусства» հոդվածից

Ժամանակակից արվեստում՝ կինո, նկարչություն, թատրոն, կրոնական պաշտամունքի առարկայի օրինակ, միաժամանակ կրոնական հաճախ հանդիպող խորհրդանշան է խաչը: Այս խորհրդանիշն այնքան կարևոր դեր ունի քրիստոնեական ժառանգության մեջ, որ դարձել է մի տեսակ ընդհանուր մշակութային ծածկագիր և լեզու (օրինակ՝ «իր խաչը տանել» արտահայտությունը եվրոպական տարբեր լեզուներում ունի համարժեքը): Խաչելության՝ ոչ եկեղեցական նկարչության մեջ պատկերելու ռուսական քննարկումների պատմությունը արդեն մեկ դարից ավելի է ձգվում։